網誌
2008年12月30日 上午4點16分14秒12月30日 keyboard又壞
呢幾日，我有d唔舒服，又屋企休息。今日，我keyboard又壞，宜家寫blog只係靠手寫板同mouse，連space bar都打唔到，因此打出效果好怪好怪，所以現在暫時冇得寫喇！等我買番新keyboard之後先再打過，可能冇咁快！一切隨緣吧！
2008年12月30日 上午4點03分35秒12月27日 去西貢蠔涌燒野食
今朝，我又繼續裝番software入去，但係中途又裝錯某東西，又要從頭再裝過Window，真係好煩！晏晝，我就去燒野食，西貢蠔涌裏面，呢度係我第一次去咋！果度地方好大、好闊落，係好適合養寵物人士，帶埋佢狗狗去玩。雖然它價錢就貴少少，而食又唔係咁好食咁囉！但除此之外，它裏面真係有很多地方同有些設施，可以提供畀人同狗狗一齊玩。而且果度影相出都幾靚！所以如果大家有養寵物人，可以不妨試試！
2008年12月30日 上午3點59分11秒12月26日 電腦重裝window
今晚十一點幾，我衰多手整部電腦，連入都入唔到Window，但好彩有本書度畀我參考點樣做先可重裝Window，最後，我依照本書做法，要攪到淩晨兩點幾先至有得覺。
2008年12月30日 上午3點55分58秒12月25日 聖誕「趴地」
今日我去一個聖誕「趴地」，有我最鍾意三文魚剌身同壽司，其中仲有瑞士雞翼，但我念並唔係阿蘇教款囉！我玩層層，我冇諗過我最後果幾鋪會全部輸晒，真係慘！慘！慘！仲要咁被人罰食朱古力！又要肥！肥！肥！最後，我玩到淩晨一點幾先至走。返到屋企諗住拿拿淋沖完涼、洗完頭就上床，誰不知開始受鼻鼾聲襲擊，最後我要等到筋疲力盡，差不多去到臨天光先至得著，但係到第二朝九點幾，就畀我亞媽歌聲吵醒。點解！點解！
2008年12月30日 上午3點00分22秒12月24日 真正平安夜
最近因為好倦好倦關係，所以就算今日係平安夜，我都冇打算出去搵節目，寧願屋企靜靜地過。我夜晚十一點就捱唔住，就上床覺喇！呢個真係一個真真正正平安夜喇！其實自從我條腰要問題之後，我都冇乜去過人多的地方，一來，可能年紀漸長己經唔想再同人逼。二來，我好驚畀人整親。三來，最重要冇人約囉！哈哈‧‧‧！