2008年9月22日 下午2點13分43秒9 月 22 日 聽日終於入院喇

今日我終於試麥當勞新出軟心朱古力批，哈哈...都幾好食！裏面朱古力就好似食金莎朱古力咁，好好味呢！仲有我又食好耐好耐都冇食過朱古力曲奇餅，又係超超好味！最後，我聽日就入院喇！後日就做手術，希望一切能順順利利喇！

2008年9月20日 上午2點53分53秒各類活動消耗的卡路里

做運動可以速進新陳代謝，燃燒體內脂肪，從而達到減肥效果。但其實際除了運動之外，日常活動及做家務都會消耗若干的卡路里。每個使用卡路里肥法的朋友除了要認識食物的卡路里含量外，亦應該多了解消耗卡路里的方法，才能事半功倍。

各類活動每公斤體重每小時所消耗之卡路里

運動項目                                     卡路里（kcal ）                         

籃球                                                    7.5                

踏單車                                                9.8

踏單車機                                           10.5

足球                                                    7.2

健康舞                                                6.5

行山                                                    5.5

緩步跑                                                6.8

跑步                                                  15.0   

羽毛球                                                5.8

靜坐                                                    1.1

睡覺                                                    0.8

桌球                                                    3.0

滾軸溜冰                                             4.0

游泳                                                   11.0

站立                                                     1.3

洗碗、吸塵                                          2.2

排球                                                     4.5

滑浪風帆                                              6.2

步行                                                     5.0

空手道、合氣道                                   9.8

滑板                                                     5.0

高爾夫球                                              6.0

滑雪                                                     6.4

網球                                                     7.0

乒乓球                                                  4.9

保齡球                                                  4.0

瑜珈                                                      4.1

樓梯機                                                   6.0

卡拉 OK                                                 3.0

總卡路里消耗（kcal）

= 每公斤體重每小時所消耗的卡路里（kcal）X 個人體重（kg）X 活動時間（hr）

For example：

一位體重 50 kg的少年踢足球 3 小時。

總卡路里消耗（kcal）

= 7.2 X 50 X 3

= 1080 kcal

2008年9月20日 上午2點07分28秒9 月18日婆婆終於要入院喇！

今日，婆婆隻腳腫好多，她終於要入院喇！後尾先知道原來中秋節果日被蓄生咬喎佢話，但係我相信肯定唔係好似隻蓄生咁講囉！佢簡直當我白痴，被牙咬係唔會“零零捨捨”得一個圓形洞，周圍乜傷痕都冇囉，而且仲有條黑色針狀物體係傷口處，條八婆一定係用唔知乜野打婆婆喇！以佢性格如果唔係都唔會承認咬婆婆囉！因為佢之前連打我亞媽，打完之後佢都“擘大眼、講大話”，唔認打過媽咪。果次如果唔係媽咪拉住我，叫我們唔好報警話，條八婆一早得到佢應有懲罰喇，唔洗好似宜家咁被佢打完一穫又一穫，好似理所當然被佢打咁，我阿婆真係生“o舊”燒，好過生佢呀！白痴！                                                                                                        

2008年9月18日 上午7點27分46秒9 月17 日給媽媽一部全新的手機

今日出部 LG KU380 電話給媽咪，呢部手機係佢第一部唔洗用二手全新電話，因為媽媽一直都係用我唔用電話，所以我想特別送給她，雖然呢部機唔係乜野貴價電話，但係它真係好適合老人家用嫁！字好似雞“”咁大隻，仲有它外型都幾靚仔嫁！最後希望媽咪鍾意喇！

2008年9月16日 下午5點22分41秒9 月16 日大家都好自私

經過呢兩日勞碌，今朝成十點半先致起身。不久就知道亞婆開始發燒，由於我同我屋企人一齊去老人院，亞媽其實好早己經趕入去去帶她去醫生。其後我去到後見到亞婆隻腳腫，又不斷咁。最後陪到亞婆食完晚飯，我先致走。大家都好擔心！其實我由好多年前己經相信因果報應呢個講法喇！因為就係呢個想法，所以我我覺得個天係有報應！點解！點解！點解宜家 d 人咁卑鄙、賤格、自私自利！直頭就好似家好月圓裏面嘉美同紅姨咁！我宜家好頭痛呀！我真係好唔開心呀！一幕幕大龍鳳都係度排住隊上演緊。