我阿媽由細到大都唔係咁相信有鬼神的存在，她只會出於尊重的心去拜袓先，但佢唔會去求神問卜，更加不相信這世界上存在鬼神之說。但當我今朝起身後，我媽媽話比我聽，她琴晚一個無法去解釋的經歷。話說我琴晚 11 點就去睡覺，我阿媽係廁所對住塊鏡去吹乾頭髮的時候，她的眼角位置看見突然很光亮，她最初只係以為是某些東西對鏡所作出反射的光，所以並沒有理會它繼續吹頭，直至她吹完頭後行番出廳擺放風筒時，她才發覺客廳的某一盞燈的五個燈泡全都開著晒，而我家的習慣除非有客人到的時候才會開晒五個燈泡，如果平日我們只會開著兩個燈泡的。那時我媽媽心裏第一個反應是點解會咁光的，她於是就去關掉部份燈泡。當是她因為膽怯而不敢入黑漆漆的廚房喝水，過了一會兒，待她的心平靜了少許，她只好硬著頭皮地入廚房，喝完水後然後行番出廳，她便聽到在近大門處發出一些被大風吹到門邊的聲音「啪」，她話比我聽唔知係咪我剛走出廳時唔小心撞到「佢」呢？媽媽點解會無端端咁講，因為琴晚我地幢大周圍一點兒風也沒有，所以根本冇可能會發出「啪」被風吹的聲音，她便探頭在門上的防盜眼望出去走廊，並沒有任何人影的發現。然後她還坐在廳中的梳化看電視，那時己是凌晨 12 點半左右，當她正在看緊電視劇的途中，她的眼角便出現一條白色的光帶迎面而來，它由客廳走進位於她身旁的房門，當時我阿媽是不驚慌的，她的心還想看一看有冇其他異樣發生，於是她便繼續坐看電視，直至凌晨 1 時半左右才去睡。

今日當我做完水療返屋企已是下午 4 點幾，當阿媽開門讓我入屋後，還被佢鬧緊的時候，我媽媽竟隔住道鐵閘係咁係度望走廊，最初我以為佢淨係八卦望住我地對面的那家人，但我見到佢好耐重睇緊，於是我便多口問下佢，她究竟係度望 d 乜野，但她並冇答我，佢只係一直不停地望水龍喉的位置。過一陣，她「靜雞雞」咁同我講，她話當我入門口冇幾耐，佢見到有個白影很快咁走過，她形容那個速度就好似跑緊咁，但我們所住的單位是在走廊最盡頭的位置，而走廊的盡頭只是「水龍喉」，根本係冇可能有「人」會走過的。我聽完之後個心就諗「唔係嘛！」都未到農曆七月的「鬼節」，那件怪事過了幾個鐘頭之後，我問媽媽：「你驚唔驚呀！」，她只笑笑口咁同我講：「平生不作虧心事，夜半敲門也不驚。」喎！我有陣時都幾佩服佢！就算係都唔出奇！呢個世界上有好多事情的發生都是我們未能解釋到啦！