網誌
2008年11月7日 上午1點16分20秒一個好奇怪但又好回味的夢
琴晚我發了一個好奇怪的夢，我夢到我變個男兒身，身處係一間好大好大的屋裏面，我念好似城堡咁大，屋裏面有無數咁多度門，每一扇門都有鎖 lock住的。我想我是奴僕身份，我們成班婢僕都好驚主人，她好似彊屍妖怪那樣識法術。我夢到我們成班婢僕計劃逃離主人的管轄範圍之內，經過週詳計劃後成功逃出她的魔掌，只有其中一個女婢逃不出，但經過她再努力嘗試後，最終她也能成功逃走。我們走出間屋後可以立刻飛行，沿途我們要游渡整個海洋，但唔知點解我一時可以在水上飛行，一時又可以在水中游泳，而週邊的環境都好靚好奇妙，在一望無際的海洋，天與海成為一線，我可以睇到海的盡頭有白天、有美麗黃昏、又有好多星星的夜晚，它們分別好似一格格的菲林咁，係我睇得最入神之際，我聽度門鐘聲就醒喇！起身之後我仲記得這美麗景色，真令人回味！
2008年5月4日 上午4點37分53秒在中學傳奧運聖火
唔......我應該係今朝發夢返番去我中學時代的那間中學 – 慕德中學，陣時慕德中學並唔係宜家係將軍澳區果間，而係調景嶺村一座山山腰上，係一間好接近大自然學校。係我生命中渡過得最快樂的日子就係呢間中學裏渡過。
我係夢中我夢見係我 F. 1 至 F. 3 時候，最好的朋友 – 劉恩婷，佢係夢裏樣完全冇變過。我都係過無憂焦慮咁生活，一落課堂就會沖去到操場打排球，係操場上我仲夢到有個排球有好似火箭咁“錶”向前，當時我一諗就諗起一個大肥仔，我係夢裏我係未曾見到他樣，只係認得佢打排球“殺波”，因為佢好輕力咁一拍個波，果個排球就會好行、好快咁去度你身邊，就算有人接到佢球，都冇辦法升番起佢波，所以我仲記得當佢一殺波時候，係佢對面係一定冇人走晒！係操場上正舉行緊排球比賽，我咁想打排球時，我被一位經常吹水唔抹嘴的同學拉住要我當她們指導，我唔記得有冇勝度場比賽啦！我淨係記得下一場夢境己去到我們在操場集隊，我聽見頭先那個吹水唔抹嘴的同學，大叫邊個想奧運火炬同學，於是我就跑去舉手提出我想，但度之後就有小小尷尬的感覺，我就想俾返我最好朋友，而我朋友就俾返 1500 蚊給我，我記得當初係我要求用 2500 蚊呢度兩日，而我條件係我唔會做任何。當我做呢兩日排球指導之後，我朋友就還返 1500 蚊給我，佢仲話仲欠我 1000 蚊添，果陣時我冇出聲咁將 d 錢擺落袋度，最後我就好開心咁住部相機到處影相。跟住我就醒了。
2008年4月11日 下午3點34分15秒四腳蛇夢境
我琴晚夢見有條四腳蛇係我間房度，它然跌係我張被上面添，我記得我好驚咁 fing 開佢，突然它唔知道係邊到爬上我隻手上高，我就驚倒嚇醒啦！然後我上網找資料。它有以下說法：
壁虎俗稱四腳蛇。它一向被認為是不祥的，在夢中意味著屈辱。夢見壁虎，是受辱的前兆。夢見壁虎掉在自己身上，預示自己將要生病。夢見壁虎掙斷尾巴，則意味著孩子會住院。女人夢見壁虎掉在自己身上，意味著在家中受到羞辱，將會和丈夫分居。
結論：它咁講法又好似好準喎！