2009年12月7日 上午8點46分30秒今日係我近排最開心的一天

今日我好開心呀，尤其是同軒仔佢玩鋤大D時候，當時我運氣好差，差唔多每舖牌都只係出得一、兩隻牌，今次真係被個小朋友帶住我黎玩呀，正所謂「盲拳打死老師父」，其中有一局他原本想同我換隻大牌畀我湊埋出牌呀，但我最快就我全副牌最少隻 3 仔畀佢，佢即刻大聲咁話我喇，然後我們就笑到眼淚水都標出黎，我仲差d笑到肚仔痛呀。呢日係我係最近笑得最開心的一日，多謝你呀。其實我點解會畀隻咁細牌畀佢，係因為我知道佢無論甚麼再細牌，佢都可以化腐朽為神奇咁勝，我先至會畀隻咁細牌畀你咋，畀面你嘛 -- 賭神。

2009年11月26日 下午3點10分59秒11 月 26 日 食完後有好幸福感覺

前果排食個喇沙米線超好食

今日趁住要再去尖沙咀 shopping

於是我又心思思再去食佢喇沙牛肉米線

呢間餐廳係赫德道黎嫁

首先先上個羅宋湯

呢個湯好好味又唔係太肥膩

跟住個主角終於出場喇

就係個喇沙牛肉米線

佢好有椰汁香味

而旦仲有好濃郁花生味

認真超好味 yeah！

 

食完之後

由於仲未飽

所以出餐廳之後

繼續搜尋其他好野食

就係呢間餐廳斜對面

有間食土耳其食物小食店

我初初很好奇地唸佢同重慶大廈果度 d 食物有乜唔同呢

所以就走去有乜唔同

下下

我又忍唔住咁叫個雞肉卷黎試試

呢個雞肉卷裏面有好有餡

而且個份量都幾大嫁

食完呢個雞肉卷

 

我覺得好幸福呀

因為我今日食好多好味野食

唔知點解

我愈黎愈想試更多更多

我從來未食過食物

哼！肯定同你有關喇

一定係你帶壞我呀

 

2009年11月25日 上午8點32分47秒11 月23 日 整番好部電腦喇

今日我好多謝他的幫忙，因為佢幾個鐘頭假幫我部電腦出高登整，又教我很多創業前要留意的東西，然後再幫我將部電腦維修完後檢查清楚可以正常咁運作先至返屋企，雖然我只見過幾次面，就算連見面都只會打招呼的你，今天你咁幫忙我，我真係好意外呀。在此我祝福你有情人終成眷屬！

2009年11月25日 上午8點26分50秒11 月 22 日 電纜塔係咪夜晚會郁架

我想去買自制蜜糖，所以就跟媽咪佢去行城門水塘引水道，我沿過見到很多電纜塔，我記得係我仲係小朋友陣，我成日懷疑佢係夜晚冇人睇到佢時，佢係識得一步一步咁向前走，今日佢又勾起我呢個回憶，所以我想影下佢囉，而最重要係被我發現電線上仲有波波架，唔知佢會唔會轉呢？

 

呢個係咪好多人驚呢？

 

有V字型頭

 

又有平頭

 

哈哈! 仲有個波波浮在半空。

 

行完引水道後，我就去附近川龍村買蜜糖，但點知呢個人只係擺檔至中午 12 點咋，而我去到時已經下午一點幾，所以我又買唔到 lu，然後我就去附近一間頗有名懷舊茶樓度吃飯，我三個人叫好多點心食呀，而我咁大個人係第一次食豬肝燒賣咋，同埋佢 d 雞球大飽仲好食過肥滔間酒樓，唔…真係好滿足呀！

 

2009年11月25日 上午8點08分50秒11 月 20日 唔小心喊出黎

今日我唸冇可唸之下，我唯有叫他幫助，但點知我得出來的答案是我最唔想見到的，最後我終於忍唔住喊出黎，我知道佢好忙好忙，但究竟佢有冇想過我感受，其實我知佢唔係唔想幫忙，但佢態度實在畀我 feel 到好差，所以我先至喊出黎，最後仲被我阿媽發現我喊，又令到佢擔心！