2008年11月30日 上午8點55分16秒終於等到佢嚟喇~~

呢隻衰嘢係我九月訂貨，到11月尾先返嚟嘅溫泉版輕鬆熊，真係等得我好苦 ><

噚日收到電話話終於返貨，今日就即刻仆去拎，亦都好 "順手" 咁買多幾樣嘢，無計喇，　見到佢真係忍唔到手。。。

入咗對毛毛拖鞋，新年版熊仔，溫泉版毛巾，仲有對船襪同吊飾

呢隻熊仔本身可以同嚿雲分開，佢喺一個系列有三款，而呢個款喺最少貨，十盒裡面得一盒，所以呢個款比其他兩個款貴咗七蚊。。。

可以分得開架

呢條溫泉版毛巾，13號嗰日帶定去台北小巨蛋，比菠菠整濕都唔怕

哂冷^^

 

 

 

 

 

 

2008年11月23日 下午1點19分13秒又嚟好貴嘅一餐....

今日死咗去沙田新城市間露比解決DINNER

叫咗嗰例牌會叫嘅拼盤同燒牛肋骨....仲有第一次食嘅芝士蝦長通粉...

啲嘢食無退步...嗰牛肋骨仲喺咁正...當然價錢就有進步到喇...

兩個人食咗四百幾五百...唔喺有COUPON...真係未必會去喇

 

食完之後....去咗下面巴士總影靚女....真係好靚架... ^^

2008年11月9日 下午12點09分38秒第一次煲嘅糖水

噚晚去糖水舖食咗碗清心丸綠豆爽覺得唔夠喉...今日就自己喺屋企再煲..

落咗好多最LIKE食嘅清心丸...好滿足好滿足 ^^

得閒再煲多次先...