2008年11月23日 下午1點19分13秒又嚟好貴嘅一餐....

今日死咗去沙田新城市間露比解決DINNER

叫咗嗰例牌會叫嘅拼盤同燒牛肋骨....仲有第一次食嘅芝士蝦長通粉...

啲嘢食無退步...嗰牛肋骨仲喺咁正...當然價錢就有進步到喇...

兩個人食咗四百幾五百...唔喺有COUPON...真係未必會去喇

 

食完之後....去咗下面巴士總影靚女....真係好靚架... ^^

2008年10月30日 下午12點47分44秒期間限定

公司嘅戰鬥食糧清哂...放咗工就去咗祥華掃貨

今次掃咗四盒期間限定嘅 "小枝"

雖然話買咗四盒...但應該好快就殲滅哂

 

栗子加白蘭地

 

綠茶加藍莓粟米片

2008年10月28日 下午1點52分56秒第一次食豆腐味雪糕

 

今晚第一次食呢隻豆腐味嘅雪糕...

好似食緊變咗做雪糕嘅豆槳咁....

可以再encore嘅....

 

2008年9月20日 下午4點19分41秒補打: 080920--好飽嘅一餐上海菜....

今日同嗰fd去咗官塘間龍如食上海菜

唔知喺咪佢位於工業區無乜人留意, 我哋七點三去到都仲有大把位

但我之前已經訂咗位, 所以就安排咗我哋兩個人坐卡位

入到去...嗰環境唔錯...唔算話好大..但都幾企理吓

佢好似啲酒樓咁...有張菜單比你剔..

我哋就揀咗以下呢啲...

担担麵 (小辣):

酸辣湯

小籠包 (有coupon..所以free嘅)

 

鱔糊炒年糕 (好鬼大碟....)

蜜汁火肪

高力流沙...(即係將豆沙換咗做流沙包入面嘅流沙)

酒釀丸子...(好香酒味)

overall嚟講..啲嘢真係唔錯...工廠區有呢個素質已經好唔錯...

而兩個人食咁多嘢嘅結果...就喺十分之飽...最後唯有將成 2/3碟嘅炒年糕...叫我嗰fd打包拎走..孝敬佢屋企人喇...

 

2008年3月10日 下午11點07分58秒期待甜品多過主菜嘅一餐

噚晚同個FD去咗旺角嘅風月堂解決晚餐, 佢張信用卡有八折優惠, 甜品又買一送一, 我哋針對甜品呢樣嘢, 就去試咗

等咗唔駛好耐就有位坐, 不過坐嘅地方都幾窄, 喺正兩條柱嘅中間, 出入都有啲難

我同嗰FD order咗個煙肉芝土焗青口, 香辛牛肉奄列蛋飯, 焗芝士帶子海蝦飯(類似咁嘅名), 甜品就order咗個蘋果香蕉薄餅同埋芒果窩夫三文治

青口比我上次食嘅牛油焗帶子惹味, 用嚟舖底用嘅薯蓉都好味, 香辛牛肉飯, 香就夠香, 但真係完全唔辣, 但焗飯就嫌"溜"咗啲

之於甜品, 蘋果香蕉薄餅真係真香, 有時蘋果焗熱咗會變酸, 但呢個就唔會, 我同嗰fd一人一半, 話咁快食哂.

相比之下, 芒果窩夫三文治就失色咗

甜品都等咗幾耐下, 一次如果再食嘅話, 要喺主菜食到一半嗰陣就order定, 唔係會浪費好多時間

呢個芝士煙肉焗青口, 唔錯唔錯

 

唔辣嘅香辛牛肉蛋飯

 

"溜"咗啲嘅焗帶子海蝦飯

 

全晚最好食嘅嘢, 蘋果香蕉薄餅

 

芒果窩夫, 失望咗啲