2008年10月29日 下午12點09分06秒終於有衫著喇~~

諗住買今期hk walker..睇吓有乜嘢好嘢食介紹

本嘢送咗件熊仔衫仔...用得唔好嘥...就比咗我隻輕鬆熊仔著...

佢著咗...好鬼得意吖 ^^

2008年10月26日 下午12點53分08秒菠菠。。。生日快樂

為咗慶祝菠菠生日呢個咁大嘅日子

我同成班菠菠fans去咗小欖燒嘢食.....

我哋個個中哂天文台嘅計....天文台話22, 3度...結果去到成三十幾度都有...熱到成隻嘢咁...

不過熱還熱...都玩得好開心嘅....

而且又有得同最鍾意嘅哥基狗狗玩 ^^

喺度再講多次....菠菠！生日快樂！！

2008年9月16日 下午3點21分53秒又嚟敗家喇....

頭先放工去咗德福, 又去到嗰間P字頭嘅麵包店買早餐

呢間嘢啲包都幾貴, 不過勝在好味又軟熟, 可以話喺一分錢一分貨..

今日就用咗差唔多15蚊..買咗呢包一包四塊嘅超厚超熟方包

按落去仲會彈返上嚟...

但就比阿媽話嘥錢...比15蚊佢..佢可以買2磅方包返嚟...

去完德福...就轉咗去淘大...去到淘大..又忍唔住去嗰間輕鬆熊專門店

之後...當然又忍唔住買咗三樣嘢返屋企...

輕鬆熊真係好得意...實在忍唔到手....

唔得....真係要的起心肝儲錢先得吖

2008年9月9日 下午1點44分18秒雖然未到...但都忍唔住影落嚟

今日去荃灣拎啲嘢...去到荃灣地鐵站就比我見到個燈箱廣告

見到佢....我就忍唔住影咗佢落嚟....

11月就可以見到佢喇....

每次見到佢嗰靚仔樣...我就忍唔住咁.... 笑  ^^

2008年9月8日 下午4點40分24秒忍唔到手..定忍唔到...口?

今日放工經過官塘....諗住去逛吓APM

點知逛逛吓..唔知點解對腳自己識得行去祥華嗰邊..仲會識自己走入去..

結果返出嚟....又喺一袋嘢食....

話明自己要儲多個銀...12月去台北打菠嘛....

以後都喺避免放工或六日去官塘....