網誌
2009年1月26日 下午2點58分15秒新一年。。。新發現
今日喺大年初一
去到親戚屋企拜年嗰陣，見悶悶哋就借人哋部腦嚟上下網睇youtube
諗住想笑下，就search詹瑞文。。。
點知一search。。。就search到好正嘅經典片段
呢段片。。。真係無乜印象，可能嗰陣仲細XDDDD
2008年10月9日 下午1點19分21秒唔捨得打開嚟食呀....太かわいい。....
頭先去官塘間祥X...諗住掃吓啲嘢食
點知掃掃吓...竟然比我發現桃X多嘅PANCAKE味竟然出咗新嘅包裝
見到呢兩個新包裝...真係忍唔住手....買哂 !!!
2008年9月6日 下午1點08分15秒終於有嘢難到新水怪
今屆奧運...新水怪菲比斯狂掃八金
原來有樣嘢對佢嚟講...比起拎金牌仲難得多
呢樣嘢就係......
唔講咁多...你哋自己睇吓喇.... ^^
http://hk.youtube.com/watch?v=6e0Gx9gYFGo
2008年2月28日 上午1點03分58秒小開日事之搭錯咗車...
噚晚班茂里約咗我去打邊爐，佢哋貪平去埋啲連名都未聽過嘅酒樓打，搞到我好似千里尋親咁搵間酒樓
喺我搵到火滾到可以淥熟隻蛋嗰陣，嗰班茂里入面至醒嗰個傻ｂ打電話嚟，我梗係第一時間 "省" 到佢 "立立令" 啦
之後佢好似死狗咁，叫我搭14號巴士去，見到對住巴士站嗰間酒樓就落車，咁啱有架14號巴士停喺我面前，我梗係好醒咁衝上車喇
坐咗八個站，終於比我見到對住巴士站嗰間酒樓，我即刻衝落車，去到酒樓諗住搵班茂里練吓身手，點知搵勻哂成間酒樓都唔見佢哋
我打電話比傻b, 佢居然話佢哋已經開緊大餐，仲問返我幾時先到
我同佢講一早到咗喇，對住14號巴士站，喺佐敦嗰間xx海鮮酒家嘛
傻b居然講咗句令我吐血嘅說話：「我漏咗同小開你講，喺搭新巴14號去西灣河，唔係搭九巴14號去佐敦呀」
．．．．．．．．．