網誌
2004年8月31日 下午12點59分59秒聽日就開學喇... 前兩日去左翃amp... 28-
聽日就開學喇...
前兩日去左個camp...
28-29/8, 沙田洞梓童軍中心, 童軍基本原則..
唯一o既感覺係...無奈...
但基於趕功課o既關係, 遲d講......唉.........
努力做功課......做到扒o係度...
2004年8月25日 下午8點31分11秒屋企人又返晒大陸..好@屋企都無試過
屋企人又返晒大陸..好耐屋企都無試過咁熱鬧喇~
琴晚..我屋企有一班嘩鬼黎左....今次呢個打邊爐o既活動有我, 朱朱, 阿siu, 馬騮, 阿玲, wanlee, 阿才, 鄭紫, ms lee, ms lam.....熱鬧呢個term都係不足以形容琴晚o既狀態...應該用...不能控制...
琴晚我訓到成一點先起身...跟住已經知死梗喇~涼又未沖, 野又未執, 地又未抹.....總之一切都未做過~最緊要係我又未食野丫嘛~
咁我就拿拿聲執野啦......食野啦......但係約左阿siu, 鄭紫, 阿才 4點...結果我都係遲左少少...之但係呢.....鄭紫更遲~返而小玲早左完補課~一齊買野..!~
我地先買雲吞同水餃, 跟住呢........好偉大架!~成班人去左7仔食雪糕~哈哈~
咁6個人一齊食雪糕本黎都唔好笑架....但當鄭紫杯雪糕..係倒叉梯形而size又over個cone o既時候....就全部人都o係度笑囉哈哈~阿siu仲影左相...
跟住我地o係街市街街市行黎行去...點知覺得都貴貴地~選擇又唔係多~我地於是就行左去楊屋道o既一牌街當買野...買到七七八八..就兵分三路~>我同阿siu去街市地下買海鮮, 阿玲周鄭紫就上去買菜同豆腐...依?????第三路呢?!!之咪就係wanlee同阿才兩公婆囉~去左對面間凍肉店嘆冷氣~"(帶鄉音)老公老公~o個d豬扒好靚啊!~比我仲要靚dd呀!!!!!"..."(不純正的廣東話)老婆老婆~d豬扒只你靚你少少..咁...d質素......我地都係咪買咯~我地又無手拎...我地不如響處噗住冷氣旦阿siu阿ca佢地啦!......................".....
買完野之後我地就坐村巴..成班人浩浩蕩蕩咁返屋企喇!~
沿途呢..果然不出我所料, 十個黎我屋企o既朋友仔九個都會以為樓下個泳池係私家o既......而wanlee入lift o既時候好搞野~因為佢見到個lobby好新好靚~同架lift完全唔match o既時候, 佢個樣真係....愕然~嘿嘿
返到屋企呢..大家hair左一陣啦, 我就係咁搵d沙煲冷撐出黎~
跟住大家又好合作喇~阿才set檯set"鄧"啦, 我同wanlee吸塵拖地啦, 阿siu, 金字玲清洗d野食, 鄭紫影相.....哈哈~話咁快就set好所有野...馬騮到咁上下自己摸到上黎~跟住我到咁上下接埋2L<~lee lee同lam lam...要等埋老朱黎到.....哈哈 ~!yeah!~開餐!!!!!!!!
咁我地就一路食一路傾計一路發癲啦~鄭紫唔知係咪真係傻左..佢成日幫lee lee做"腳底按摩"~係用自己隻腳底幫阿lee按背....好變態 ~!仲有~wanlee真係嘈到不得了~佢不斷o係度叫~我bio同chem o既知識話俾我知: wanlee食得味精太多喇~>hyperactive!~超級無敵過渡活躍........我同鄭紫又入左房影核突相啦, 我又同lee lee睇scout d野喎~跟住lee lee同lam lam又話鄭紫勁癲囉~而我就"賢良淑德"...另外ms lam又買左件衫俾朱朱做生日禮物......唔駛審~朱朱著左o個件所謂大碼衫..一定好似筋肉人咁....勁show雞肉....
食到咁上下呢, 我地玩扭扭樂呀 ~!哈哈~勁好笑~wanlee成日搵個pat pat向住我o既!~不過佢又成日俾阿siu隻腳腳同朱朱個肥pat夾住佢個死人頭囉~勁爆笑.....而扭扭樂輸左o既大懲罰係咩呢?!!!哈哈~就係個人要好似一條腸粉咁...俾人用張被捲捲捲........跟住任人搞佢唔知三十秒定一分鐘......真係勁慘!!朱朱開埋吸塵機去搞人.......而今次大懲罰就有阿玲周鄭紫份.....
到左9點幾兩位老人家就走先.....話要返屋企覺豬.......
而小siu就唔跟佢地車~
我地玩七級豬~哈哈~好好笑~馬騮係七級豬~而懲罰就係俾我地用pat pat夾頭 ~!!
玩到十一點八九阿siu就走喇~我地亦相繼執野~到咁上下佢地都走咯~本黎佢地以為地鐵係12:40尾班車~點知原來係12:30~搞到大家都朝唔到車~有d搭的士~有d行路返屋企........豬~
2004年8月23日 下午4點48分31秒琴日一戎h左學琴~kitty電左頭髮~好靚女
琴日一早去左學琴~kitty電左頭髮~好靚女!
我又要電!~
學完琴去左將軍澳幫人執屋~唔搭過都唔知原來荃灣同將軍澳真係天各一方架!
夜晚去左同以前5a d同學食飯~仲有chem sir~哈哈~個feel勁得意囉~money做左地產agent~著老西黎~成班人夾埋有23人~
我覺得好似呢, 個feel好似大家畢左業10年咁~大家有d拖男帶女, 有d新婚~有d做緊agent, 有d進修.........哈哈~好過癮!~
今日好浪費時間, 訓, 浪下衫, 食下野..on下9, 一日~
頭先傾電話..傷心? 失落? 失望?
對你最好o既方法唔係唔讓你知道我唔開心~而係大家一齊分擔大家o既事..
2004年8月21日 下午6點04分43秒星期四去完camp喇!~係f.6 leadership training
星期四去完camp喇!~係f.6 leadership training camp!~拖到今日先post journal係因為呢幾日都唔多舒服..
camp係由17/8(二)至19/8(四)~
我地今次去大潭童軍營~
講到明今次係中六o既training camp~咁我地呢d中七學生!~去camp就當然做組爸組媽啦!~
今次我o個組有4女3男, 包括: 英文ce拎A o既方馳, 可能係來屆sa會長o既黃潤斌, 攀石高高手戴婉瑜, 文靜小生張發川, 嬌嬌女甘韻霞, 莊漢強o既妹妹莊慧晶, 仲有外表斯文, 內裡open.~丫唔係!!!sorry sorry~係內裡剛強o既歐曉芙~
第一日~17/8
一點組長同ms阿sir o係sac等, 一點半d組仔組女黎左..
跟住我地就分返gp啦, 認識下大家, 傾左兩句..又派左營衣等等..
好快我地就上車去到大潭~
我地途經過一楝樽型o既building.係之前去ocean park經過架喎
去到之後我地放低晒d野去冷氣櫃(貨櫃)
跟住就傾組名, 口號........
我地組係叫金雞~
口號係"golden chicken...chicken power..." <--唔記得左~哈哈^^"
由於我地大部分活動都要由16人o既小組組成, 因此我o個gp同馬騮o個gp"sfe"組成左"雞象隊"...
等埋第二部車o既同學仔之後~我地就玩左"互相扶持"(背對背起身o既一個game), "一指神功"(哈哈~人人都好輕!~個個都舉得起), "擺造型"(痛....!~)...
跟住就要去學起營...起營....食飯...再玩!~
我地玩左"蜻蜓點水"~(個個組員都算做得到呀!~), "吹上雲霄", "高塔入雲"(我地組有3.4幾米高呀!!勁勁!!~不過最高o個組有3.9幾米呀!~仲叻叻)
玩完晒就入返hall~debriefing~悶就悶d~可能太支力啦~不過佢講d野對而家班中六都應該幾o岩洗..
完左分享後我地組長同ms阿sir就入冷氣櫃傾計~當然ms仲教左我地點做一個好o既leader!~就係唔好只做追隨者 ~!~
跟住我地就沖涼覺豬lu~沖完涼之後我同siu siu同fish仲洗埋人家個toilet~...哈哈~學生會幹事o既習慣...
第二日~18/8
一起身做早操~嘩之前o個晚好熱好焗.........真係想死~但係我都訓左5個鐘~早餐時我見丁班組仔組女支力爆...成班呆到不得了...原來佢地訓得好少好少...
跟住就o係hall做"三分鐘測試", "豬的啟示", "SWOT", "你講我做", "雞脾雞亦", "領袖模式"~焗爆........
跟住食lunch~走base玩"磚頭過河", "滾滾龍珠", "勝利之路", "攀越危牆"
食完飯就再玩"獨闖成功路"(我地班組長真係忍笑忍得好辛苦...哈哈~d人有個頭盔就用自己個頭周圍撞...), "黑夜尋人"(都好搞野 ~!!d人傻下傻下咁行黎行去~大頭同陳子安又兩個行埋左~俾我地影相...我地4個組長又搵d組仔組女做backgd...o係佢地面前影相...最搞野就係佢地兩組圍住左我~唔俾我出黎!~)
最後又係分享, 完左我地開會~係大食會!!~哈哈 ~!!大家勁開心~
跟住我地就沖涼~又同阿siu, 大頭同kityan影鬥樣衰相...大頭真係...後起之秀!~
跟住我去toilet時見到戴sir同阿斌, 馬騮, fung傾計..哈哈~戴sir真係好...~我又傾埋一份~勁開心~戴sir好識講笑~話我上年俾佢食檸檬~做sa副會長都唔做head prefect..
跟住傾完再同阿siu入房傾多左陣就訓lu...
第三日~19/8
支力爆..食完早餐已經想訓..
跟住玩"飛渡激流", "橫空飛渡"...跟住由於我要補stat o既關係...就早走左lu...
返去補stat~當然訓著啦...夜晚仲要同阿yan, ryan同etta開會.....最終....病了....
成個camp最開心~係同阿siu傾計~仲有為sa謀求一位真係得o既會長!!
呢幾日真係唔多得....我今日去左上童軍支部技能(第二階段), 嘩我個頭痛到真係想爆咁樣.....幸得肥雨同純情買左d藥俾我食....後半堂情況好好多..但係我朝早真係afford唔到返教會喇...好痛..........
2004年8月14日 下午8點43分03秒哈哈~o岩o岩去完海浪公園黎呀~今次有
哈哈~o岩o岩去完海浪公園黎呀~今次有上次白痴7人組: 小siu, 小朱, 小玲, wanlee, 小ca, 馬騮, 鄭紫..再加上lam lam同才哥~一齊癲左一晚!!
今日我地約左o係荔景地鐵站東涌線等啦~咁人家明明係要去金鐘架嘛~但係唔豬邊個咁金字~放流料~話o係東涌線往東涌方向等喎~搞到我同小玲行黎行去行到"妥妥擰".....一個字: 豬~跟住等齊人就去金鐘, 我地o係度試邊個書包扣同邊個扣係match~阿玲話d扣交配~哈哈~最後~係馬騮哥同小siu勉強得囉~結得婚lu佢地~我地又o係架車車度勁o係度試~一次過講14次"正人臀部靈魂"~哈哈~我講左12次咋好似..哈哈~去到金鐘仲目到學校校工阿paul ~!哈~真係唔好講人壞話~去到金鐘都見到熟人~行行下就見到lam lam......lam lam白痴地問:"頭先我明明見到有個光頭架...??"...一百萬個無奈....我地邊有人會光頭呀!!!!!金字精......!meet左lamlam就去搭巴士去ocean park喇~
去到ocean park好鬼早呀~咁我地就去m記食野啦~嘩lam lam唔知係咪有左...食完個delifance個包再食個雞腿包~又飲多杯野都仲話餓!!!!傻架佢 ~!!肥lam!~
食完就入場lu..我地一行6人同甄甄睇安安同佳佳~查實佢地都幾慘..無無聊聊咁~一日食同訓.....
跟住我地就去左玩...唔知咩...我淨係知係轉轉轉轉轉轉架囉~好似係..轉轉轉轉轉轉遷秋呱..我同阿siu仲帶埋相機去影啊~o係空中~影大家~但係原來擰轉頭係好wing架...
跟住我地一齊wing wing地咁搭吊車~我地分左兩架車啦~我同lam lam, 阿朱, wanlee, 鄭紫一架車~馬騮, 才哥, 阿siu, 小ling一架...好白痴呀~我地成日o係度叫...lamlam仲白痴...o係架車度搖!!!!哈哈~鄭紫好驚囉~=="
去到對面山之後我地玩過山車呀~...唉~次次玩個頭先撞到甩咁濟囉...頭擰擰咁走..金字玲仲撞到隻耳仔紅晒~
跟住去左玩海盜船..我地排隊已經排左好耐...嘩..d腐敗未出晒黎! 我地仲o係一個好迫o既處境下噴止汗濟...個個人個背脊就出晒煙~好似拍武俠片咁~哈哈! 典知o係大家排得辛辛苦苦之際...佢居然宣佈:"由於排隊o既人數眾多~因此不設留位, 請遊客坐滿座位, 多謝.."........正人臀部靈魂!~嘩我地真係驚驚地俾佢cut開我地9個人~要分兩次上...阿siu呀~朱朱佢地諗住一家無得坐第1,2牌囉~不過好左~兩者都無發生!!我地坐左兩邊o既第二行~朱朱仲影相...一個字~勁!
海盜船完..我地就去左玩跳樓機...哈哈~比預期中少好好好多人..!我地9個傻仔傻女~當然包機啦~第一round我同siu siu同wanlee坐..我地之前count過上到去13秒就會跌.....嘩好驚架等o個時真係!!~~~wanlee又數得快過~倒數完都未跌...差一秘..嘩我跌第一次都真係過得去驚囉~但係又好過癮喎哈哈~跟住玩完又決定玩第二次!!咁呢又去排隊啦~但係今次ms同鄭紫就唔玩..哈哈~排排下隊....落大雨呀!!真係勁好笑...好凍啦..但係大家好唔想整濕自己對波鞋囉~跟住: 大家一齊o係條隊度換拖鞋!~換鞋都算喇~ok矚目啦...朱朱同阿siu同wanlee......誇到去換褲!~一個字~激!~好好笑~我地請求個工作人員哥哥俾佢地o係條樓梯轉角位換褲~哈哈~wanlee勁核突囉~人地排隊大大話話有幾十人~佢就o係度勁哎:"呀~唔好催我呀~...我著唔到褲呀..."哈哈~個個都知佢換緊褲囉~白痴仔呀哈哈~~跟住我地就好英咁!!!!!!!拖鞋黨咁~冒雨咁玩跳樓機~好得!!嘩~我地又一創舉呀 ~!!!!!
跟住大家去左玩越爌飛車...嘩金字玲真係乜鬼野都驚一餐飽~哈哈~朱朱同wanlee坐第一排~siu siu同鄭紫第二, 我同小玲第三, 馬騮同才哥第四~依?????ms呢?~人家驚喎~唔玩呀!~其實我都未玩過飛車架~真係好得!!好好玩~唔玩真係笨呀!
跟住大家去左玩滑浪飛船~我同才哥同玲玲坐~車!~我坐第二都唔濕o既~唔開心呀~反而馬騮同鄭紫同wanlee濕晒~點解?因為佢地o係架船度已經潑水囉哈哈!
跟住朱朱~wanlee同鄭紫就去左玩飛天蜘蛛~嘩真係見到都暈死!!....
而魔鏡森林係一個....好悶~但係好涼o既地方!!!d冷氣好得囉~但係入到去呢....悶爆...最好玩o既其實係我地出左黎之後扮驚囉~大家一路咁走走走走走~又叫喎~哈哈~好好玩~有快閃feel!! 跟住d人真係望住晒我地呀!!唔知佢地係咪真係信呢?
玩完就搭返吊車過去~哈哈~好得呀今次~我同siu~lam lam~阿ling同朱朱一架車~哈哈~我地今次又有個target架~就係要睇下邊個最快叫到隔離車d人應我地~嘿嘿~我地開車都唔夠幾分鐘..已經有人聊我地喇~我地又o係架車度勁哎囉~叫sa宣傳期o既slogan啦~"正一臀部靈魂", "你唔好o係度譏譏詰詰", "我唔發火你唔好當我病貓"等等~仲唱校歌啦......紅日啦~哈哈~咩都做晒.....
返到去之後就因為夏水禮太多人~o個個人叫我地排隊排90分鐘.....傻架都..我地就放棄~去玩旋轉木馬, 兒童摩天輪同埋勁影相囉~哈哈~白痴白痴跳~..
玩完就真係走喇~10點9走..早d出去早d食野丫嘛~我地返返出去金鐘~行去灣仔食麵麵~食完就返屋企咯~
而o係架地鐵度都有搞笑野架喎~鄭紫mark大d腳趾~嚇到對面個男人眼甘甘~@@哈哈~到左葵興就分開晒喇我地 ~!!!今晚真係好好好開心呀!!哈哈~雖然siu siu要走~但係我諗呢d回憶已經夠你帶去new zealand回味一年啦可?跟住一年後再返黎玩一次 ~!!^^
我返到荃灣之後真係無巴士~但係我見到有3個人仲排緊隊喎~咁我就埋左去問佢地"仲有車咩?"~跟住大家竟然話不如一齊搭的士~哈哈~真係感恩~遇到一班咁o既鄰居~一齊返屋企~又安全d又平d!!
另外呢~今晚打呢篇日記o既同時~我已經經歷左中國拎兩面金牌喇 ~!!正!!~一個係女子雙人3米彈板~一個係男子雙人十米高台~真係勁好睇!!