網誌
2004年7月30日 下午4點58分02秒琴日其實去左scmp喎~都灠O得講~成條prod
琴日其實去左scmp喎~都唔記得講~成條production line睇晒~成個trip比預期中好...
喊~補完課留左o係lab做ex..因為我做得太慢.又唔識..我覺得唔係阿sir留低我做~係我留低左阿sir教我陪我..
今日結左一個果子..係一個9歲o既小妹妹~佢勁乖~又開心~好開心帶左佢信主~決志祈禱..佢仲變魔術俾我睇^^
夜晚聽佈道會~我訓左~新朋友(linda個fd)信左..我都幾無奈~因為我失職...
聽完同左團友去食野~跟住同牧師一齊返屋企~好好傾..
2004年7月29日 下午4點53分29秒喊.. 今日係佈道會../好朋友/同女朋友
喊..
今日係佈道會../好朋友/同女朋友黎左~我自己都做左人地陪談~當蘇牧師呼招之時..我好好好好緊張, 不斷為ivy(肉碎o既fd)同/好朋友/祈禱...我明白要說服自己去信好難~世上有太多野唔能夠解釋得到..
地球點黎? 無人見過神造地球~無人親眼目睹..點解人有罪? 我無殺人放火~咩先係罪先? 有罪就要信神架啦咩? 人人都話唔可以亂倫, 但係如果所有人都從亞當厄娃黎~咁即係一早已經亂左倫? 咁複製人係咪都係創造生命? 人好似漸漸取代緊神o既位置喎..
呢一串串o既問題...好似不斷叫我地唔好信世界上有主宰..但係...下面o既問題又點解釋?
點解我地會有生命? 係咪真係大自然孕育出黎? 你話宇宙係atom組成~particle組成, 呢d atoms, particles, molecules點黎? 點解人要咁叻? 屬天o既智慧讓我地凌駕於一切一切動植物之上? 我地比甲蟲叻, 比狗叻, 比老鼠, 老虎叻...點解有咁多人會信基督教? 之前係罪犯~>相信, 之前係毒犯~>相信..人信左點解會改變? 點解會喜樂? 點解會平安?
願大家共勉之~你願意得著福音嘛?
2004年7月26日 下午4點37分14秒好無奈..又好開心..又好擔心o既一日..
好無奈..又好開心..又好擔心o既一日..
今日補第一日chem..
補完之後我終於都"walk in"左去暑宣~好開心..~不過一入到去就俾一位傳道同工叫左埋去問我咩事..(<~我正想入組)我就話我要去第三組~而我係walk in o既身份..佢就話:"不如你去第七組啦, o個邊少女仔"..跟住我話我一開始就諗住入第三組, 而且我都應承左d弟兄姊妹..我表明左我唔想入第七組o既立場...而且我話我想同組員傾下...
我埋到去第三組..只係講左兩句我就因為唔想阻住人地聽台前o既姐妹分享而坐低唔講住......誰不知該同工會埋黎同我o既組員交代~打點一切~再同我講"你而家可以去第七組架喇~"........=="自己都會覺得唔係入邊一組o既問題, 而係我係walk in o既身份..唔應該被assign去某一組, 而且係不經我自己去開口,去解決..最後我一副唔開心o既樣令組員替我跟同工商討, 我最後都入左第三組, 我係會比較開心d o既...不過始於我不認同該做事手法..but anyway~我係細路女左o既..expect the unexpect..
基於要做功課同埋太支力o既關係...明日再續...
#鍾意被當作小朋友, 被關心, 偏偏[你]唔會咁對我..
2004年7月25日 下午5點39分20秒琴晚去左聽培靈會~講題係"生命中的加
琴晚去左聽培靈會~講題係"生命中的加油站", 由matthew口中好出名o既李思敬博士主講(查實人地真係好出名好勁架! 講野都好好笑好好聽, 只不過係我唔識人地咋嘿嘿)~講題內容係關於挪亞架!~聖經入面介紹挪亞o既經文係o係創世記6:5-22..入面講到佢係一個義人, 完全人, 與神同行, 而且凡神吩咐的, 他都照樣行..
*挪亞方舟呢個故事相信大家都聽過~其實佢做o既船係好大架..其他人行過都會見到, 而且會問佢點解要做咁大o既船. 而佢亦必會借此機會各人解釋神o既話語<~傳福音. 而眾人當然能夠選擇相信挪亞所說而自行造一只方舟啦~咁佢地就好容易可以逃過洪水. 因為神從來都無禁止其他人造船, 得救=信者得救!~神願意萬人得救, 不願一人沉淪..就好似而家咁~我地信徒可以把握每一個機會傳福音, 而未信o既當然應該把握相信神o既權柄啦!~...
琴晚好開心~因為見到好多朋友~阿浚啦~阿恩啦..kiko, sandy等等~個個都一見到我就攬住我啦哈哈~好感受到信徒間o個份愛^^
而今晚我就去左聽佈道會喇~由陳恩明牧師主講~本黎我只係想聽架咋~但係最後去左waiting room等做陪談..<~今晚只係等o者, 未有得做..牧師講得好好笑呀~會眾反應都應該唔錯..而且仲有好多人決志, 真係開心..完左之前我仲同阿yan同vicky一齊祈禱...^^而黎緊6晚都仲有佈道會架..請大家記念..最好就抽時間黎啦! 詳情如下:
26/7(一) 來, 讓主賜力量給你!
27/7(二) 來, 讓主賜生命給你!
28/7(三) 來, 讓主醫治你!
29/7(四) 來, 讓主賜你平安!
30/7(五) 來, 得著主的寬恕!
31/7(六) 來, 靠主喜樂!
而今日我亦順利咁交左份chem presentation o既powerpoint啦~o岩o岩check itschool亦見到阿蛇approved左個powerpoint~真係開心^^.......但問題就係聽日仲有份correction要交..我到呢一刻都未做好..死梗...因此聽完佈道會都好擔心, 但係神真係好保守, 今晚成10點幾都居然有村巴(平時9:30就無喇), 上到車居然仲俾我聽到電台播緊<偶然遇上的驚喜>..好開心..神真係安慰o既神..
[你]病左呀...又唔同人去佈道會..為你祈禱啦..
2004年7月23日 下午7點46分14秒勁開心!!琴晚4大<~~小ca, 小siu, 小朱, 小
勁開心!!琴晚4大<~~小ca, 小siu, 小朱, 小馬騮同埋兩個靚女c儀<~~wanlee, 鄭紫, 加埋金字小ling ling去左tsm(tsim sha MOUTH 嘿嘿..==")食巴西buffet喎..而且仲做左好多意想不到o既事..
琴日考1st aid啦, 一早返左去practice同埋溫書, 下午就考試, 好驚囉~筆試真係好易, 30分鐘o既卷, 10分鐘做完, cpr考bb..弱項...成日都吹阿bb唔脹..唔知會唔會fail呢part...包紮都無咩特別, 複雜性肋骨骨折, 右邊膝蓋擦傷..好快好快, 1st aid就咁考完左喇~等result...
嘩哈哈哈~跟住我地班人就分別咁出發去tsm啦~朱朱先返左屋企洗白白, 事關佢實在太臭喇~我同小ling就去左婆婆度換衫, 婆婆居然第一次見小ling就送電話繩俾佢喎..小ling可能實在太靚喇! 吸引到我婆婆^^" 跟住我地兩個美女就o係石蔭東等35a, 再等架車o係石蔭會合肥朱同肥馬騮喇~
上到車呢..都幾搞笑囉, 因為馬騮有段時間訓左o既關係, 朱朱話:"好.....悶.....呀...."有意及此, 小ca我就叫佢同我同小ling ling坐喇~哈哈~我地勁講笑囉~小ling因為講佢哥哥細個o既趣事而展開左我地講~屎~呢個話題=="雖然好核突, 但係真係好好笑..笑下笑下我地就到左tsm喇~會合左wanlee同鄭紫...
成班人浩浩蕩蕩地行到巴西...丫唔係, 係巴西餐廳附近等小siu同陳港(<~~最後都無黎到)大家原先企左o係"藍廢紙回收筒"前等架...豈知...一係唔講, 一講開, 居然發覺著住藍色衫o既紫真名係叫廢紫~~>藍廢紫!!!非常好...哈哈~大家為左呢個笑話笑左好一會兒, 朱朱仲分別為廢紙筒同埋廢紫影左相, 做左d effect...哈哈~{決戰廢紙筒之巔之廢紫}
等到阿siu黎到我地就上左間餐廳喇~坐低一陣就發現原來有真人彈結他唱歌仔架!~wanlee個樣lum到丫!!哈哈~我地仲點左首hey jude一齊唱tim呀~兩個結他手/歌手真係超勁, 要唱乜就有乜! 而過程中影左勁多樣喎~wanlee同小ling d醜態實在謀殺左大家不少RAM, 哈哈~有勁驚嚇o既相, 有勁醜樣o既相...而馬騮亦同廢紫影左兩張渡蜜月相囉哈哈~sweet爆
食完野之後我地去海旁, 沿途馬騮哥又同廢紫影蜜月相, wanlee影艷照...最正就係我地成班人o係天橋上面影飛人相, 大家數一二三跳起, 攝影師們就catch個動態, 好得! 跟住去到海旁反而無咩玩, 本黎話玩快閃架~點知都係無做到, 行左星光大道, 勁悶, 可能太多人喇..真係估唔到平日都咁多自由行..
最後我地去到文化中心, 我地o係樓梯度影左好多相, 千手觀音呀等等, 又o係度影飛人相, 但係...最勁o既...就係我地一個二個擒晒上去人地文化中心d柱度影相...馬騮同朱朱擒得勁輕鬆, 又勁高喎~小ling都好好身手, 廢紫就只可以擒一步, 好好笑..小siu腳又唔夠長喎~帶點辛苦, 我地精湛o既"表演"換來一班年青朋友o既歡呼聲, 真係玩得好開心好開心好開心!!創舉!!可能我地可以組一個瑜動力雜技團!~
最後我地11點幾就走左lu..嘩真係勁玩唔夠, 如果唔係第二日要返學, 玩通頂都仲得~原來我地呢班人走埋一齊都真係幾開心架喎~咩都玩咩都試, 好似細路仔咁呀~好耐都無試過咁開心喇~影左勁多相, 大家都好放~最慘就係wanlee著左靚靚裙, 搞到好多時都坐立不安, 只可以睇住我地玩~anyway, 琴晚真係好難忘o既一晚, 希望以後都仲有d咁o既gathering^^
#尖東o既海旁真係好靚, 縱使以不用的目光, 不同的心情去看..如果同[你]一齊睇, [你]會咩心情?