網誌
2004年6月27日 下午4點50分25秒27/6 (瞻矇) 瞻繕瞻矇竅羅EMILY瞼X繕籀繕
27/6 (日)
今日約EMILY出街街 ﹐竟然比我起石硤尾地鐵站撞到中二同班同學 ''王廣坤"....佢向我迎面走過嚟，問我係唔係IVY，我當然答係啦。佢個樣都冇變，我一眼都認得出。佢話到附近見工喎，起中大同個朋友讀電腦。都幾好呀，上進嘛。
之後係地鐵箱入面又比我遇到個精神病人，佢企到搖下搖下，幾乎撞到人，落車又唔知。每次當我見到精神病患者，都覺得可憐與難過，被忽略的一群、被人歧視、被人笑…我經常諗…唔知佢哋會唔會感到孤獨呢，明白喜怒哀樂是甚麼嗎?
屋企附近都住咗一個精神病女人，每次見佢都著紅色衫，攞住支酒，急步而行。佢通常只會等空LIFE先入，可能佢怕其他人既眼光…當然香港有多大人都會抱歧視眼光，奈何這些病患者也不想這樣…希望他們能夠過得好一點
出到銅鑼灣，曬到我變燒豬仔，簡直等同日光浴，唔駛專程去沙灘曬太陽lu...反到屋企有啲頭痛添，可能出入冷氣地方感親....哎喲 G。G 但行咗好多地方，好嘢!!!好耐未試過出銅鑼灣喇.....