網誌
2005年6月29日 下午4點05分03秒睡了一覺好的！
６月２９日 （三）陰 嘩～尋日９：４５就返左上床瞓喇～有幾耐無試過呢？！真係答唔到law！中間醒過兩次～ 今朝８點起身，足足瞓得１０個鐘呀！！！好勁呀！正～ 返工～今日大佬又黎左～ 係經理ge 通知下，好唔願意咁打左聲招呼！無奈～ 收工，約左姐姐．因為聽日要打扮唷！嘻～ 返到屋企，姐姐唔比我用電腦先～ 嬲呀！！！ 今日又無傾，聽日又無得傾．．．嗚．．．．唔制呀！！！！！！！！ 夜晚睇左《早熟》～ 真係幾ｏｋ呀！有兩個位喊左唷！
2005年6月27日 下午6點48分08秒游水！
６月２７日 （一）晴
今日放假～Yo！
11點幾起身，有點無聊！之後執下野～ 差唔多１點出門口，約左春Ｂ係荃灣等呀！佢隻野，走左去飲茶，要我等鬼死咁耐！等到佢～去荃灣廣場呀！買飛～睇
《頭文字D》呀！比想像中好呀！黃秋生同阿澤好搞笑！春Ｂ痴線ga～見到JAY 就尖叫！但個尾收得麻麻，交代得唔多清楚呢！
睇完戲，行左一陣，去左tea，等埋TingTing～買到傘喇！哈哈～ 再等埋大孖就去游水喇！超級嘔心呀～ 比人含住啖水兜野噴落塊面度呀！嘔～．．． 游到９點幾，就走喇～ 大家都好攰呀！
去左ｍ記law！明知人地生瘡仲要ｍ記，仲要去，又要話人地喎～陰功呀！去到ｍ記，見到鐘翠雯係個度返工呀～佢好衰呀～扮唔識我地之餘，仲要周不時“bear”下我地！
之後我地又衰衰咁發現拎漏左飲筒，就駛佢落去拎！無理佢喇～ 邊食邊影，咁o岩個度播緊《小龍女》，但春ｂ就話係《李小龍》～笑死！坐多陣就返屋企喇！
下次要去打邊爐呀，影貼貼呀！
後來，我們甚至不再說話了。
不再睜開眼睛。 不再在乎對方在做什麼，想什麼？
後來，我們甚至睡著了。
幸福地不知不覺睡著了。
節錄於《照相本子》
2005年6月26日 下午6點06分25秒又過一天．．．時間走快點呀！！！
６月２６日（日） 時晴時雨 《寂寞》 「已經記不得坐在這蹺蹺板上有多久了。 節錄自《我的心中每天開出一朵花》
今日瞓到兩點先起身，但差唔多11點半比禿明ge 電話嘈醒左，哈哈～ 好耐無見過大家tim！好掛住呀！ 之後繼續瞓，無奶油咁多日都要早起，今日唔駛，唔瞓返夠本咁蠢ga ma？！起身無幾耐又做下自己野ｌａ！差唔多４點ONLINE！哈哈～又傾計！呵呵呵～ 又傾到出門口先收線～
返８點，今日比佢地話我鈍喇，反應慢呀陰功！不過都慣喇～哈哈！廚房姐姐仲請我食朱古力同麭麭呀！！！ 多謝姐姐！１２點收工～ 同春ｂ，細孖同TingTing 傾住電話返屋企！但中途比佢地CUT 左我兩次線，無奈．．．聽日反喇，游水喇～ Yeah！
生日密碼，大家去睇下呀！係細孖個度偷返黎淯！嘻～ http://myweb.hinet.net/home2/hyctext1/birth/birthday.htm
小玲出左更表喇：聽日（２７／６）＆星期四放假呀！其他日子都返早呀！！！
PS. ｃａｃａ！睇住你jounral 真係好唔舒服呀見到你咁．請你清醒起來吧！擔心！
有點無聊，有點寂寞，有點迷惘…
只為了比你們高一點，更接近皎潔月亮一點，
我只好堅強地假裝，這樣比較快樂，比較棒。
風吹過，好冷，屁股好痛，尿好急…」
2005年6月26日 上午10點02分39秒心靈相通～
６月２５日 （六）雨 今朝一早起，走到鏡前，嘩！陽光呀！！！！！！有陽光曬到我呀！！！ 即刻笑左一笑呀！有陽光ge 感覺，真係好！ 返到餐廳樓下～ＯＨ！落雨，今朝ge 感覺無晒lu！ 返到去先知係拍winnie！佢仲好趕咁衝入黎打卡，之後又走左出去買早餐食，而我就開始整野la！ 好快搞掂d 野！今日同kaka 出set lunch！又同阿逹同阿昌講笑！但今日ｄ單真係唔係好多～ 有次出兩個set 個時，一個唔小心，有個set 撞到副牆law～差ｄ出事，好似阿moon 睇到幫我一把！Thank you so much! 3點收工！Winnie 問我食唔食飯呀！但約左paper 同wanlee，所以唔去la！就同佢講“但我收工la 喎！”Winnie 就用返平日串嘴ge語氣話“收工唔駛食飯？！”不過點都好喇，好開心佢問我law！Thanks！ 走人，打電話比小屎 同wanlee，兩個都話係屋企喎～ 真係作死呀？！ 於是又要等la！差唔多４點就等到paper la！周圍睇喇～ 今日係行得好開心ga 下！行行下我話想食雪糕，wanlee 想食思樂冰，終後去左７仔～ 我同paper 食完甜筒就飲wanlee 杯野喇，飲到咁上下，無咩味，就話不如自己再斟多ｄ，於是就好似做賊咁law！笑死人！初初係話小屎動手ga！最後唔知點解wanlee 好快手咁斟左craem soda！但斟完返黎又比小屎話好嘔心，最後無飲晒就走lu！ 仲有一樣野，就係係City見到個有ｂｂ，我地３個係比BB 個頭嚇親，就係個ｂｂ個頭係剷青咁la！但最中剷剩個圓圈，仲紮起左條辮，呢個都算，紮左之後係好明顥咁見到條圓圈ge 界law，仲要係好圓滑個隻，笑死我地幾個呀！ 之後落咁葵芳，陪paper 搞埋d手尾，見到傳說中ge anlgela！嘩～原來係個老女人，個樣都話你知似一個唔好相處ge 人law！之後再行左陣，就返屋企lu！ ８點幾返到屋企，聽到姐姐講電話，先知道Daddy 應該下星期走，嘩～又係咁，唔駛講聽，唔係聽到姐姐話電話我都唔知law！永遠都係咁～自己決定晒，未到前一日都唔話你知！ 夜晚～咁３Ｔ同ＳＩＵ傾，其實都可以話係只係同ＳＩＵ傾，因為３Ｔ都聽唔到我講野，失敗唷！ 可以頒個心靈相通獎比我同ｓｉｕ ga 下！
ＰＳ～而家有２５個！
《聽不見．看不到》
對不起，我聽不見你說的......
很遺憾，我看不到你看的......
真的很抱歉。
我只能聽見自己想聽的，
我只看到自己想看的，
我真的，真的也很痛苦。
節錄自《我的心中每天開出一朵花》
2005年6月23日 下午2點54分51秒平凡的一天！
６月２３日 （四）雨
又係雨．．．
今日返到去，拍Fion開擋，真係好呀！比阿逹同阿魚話我咩歌都識唱～哈哈！唔計我鐘意唱歌，記性好之外，日日咁返早，就日日聽住呢幾隻碟～ 個個都識唱喇！連下一首係咩～聽下個INTRO又係咩都知喇
！
今日大佬黎左，原來就係所謂ge 楊生～即係老闆，即係ＨＫ最大個粒野！個樣好鬼凶law！見到佢好有壓迫感ga 下！今日出set！T8枱客，３個麻甩佬，好煩，佢地個位係可以望住我地出set ga ma！咁師傅未整好就無ga la！ 我地都無計～ 成日比說話我地聽！而且又出左５個鐵板大會（起麻都要半個鐘ga整呢個！）個麻甩佬仲要係大隻雷雷個ｄ，但又鬼咁串，好唔鐘意！最後阿昌走過去同佢地講～係送左個蕃薯雪糕佢地食，都仲譏譏譏詰詰詰咁～真係好討厭，好憎ｄ咁ge 人！３點收工！
之後去左圖書館等kityu，嘩～好耐無去過圖書館呀！睇左本幾米～《我的心中每天開出一朵花》，記得以前係學校，都拎起過呢本書，但就無衝動去睇～但由於時間關係，只係想睇ｄ好少字，但又能令自己諗野ge 書！於是就拎起幾米ge 呢本喇！真係一本令讀者自己去領悟ge書～每個人都會唔同！每篇仔都有佢ge 意思！直至kityu到左，都已經４點lu！返鋪頭！
今日４點trainning！因為出左新ge 野飲menu！今日教沖新野飲！返去個時，落左半個閘，阿moon 好認真咁講～ 我地落左場la喎！我地兩個啞左～ 比阿moon 同嘉嘉笑！
入到去，見到阿魚襟住被係ｒ區諗住瞓覺～不過比我同kityu阻止左！佢張被係我同姐姐個張pooh 仔被一樣ga陰功！４點幾開始教喇～嘩！Allen 傳個d酒比我地聞，唔係洗甲水味就係消毒藥水味，仲叫我地試，佢沖完一杯，就講，呢隻隻味幾好ga，唔錯ga！最o岩d女仔飲，酒精濃度幾高但係又唔難入口，實好快“臨”！好搞笑！又狂叫我地試下喇！哈哈～無人夠膽試，杯杯都試容乜易真係碎之餘又痾ga！５點走～同kityu去食野！行行下仲見到TingYan tim呀！哈哈～之後就返屋企lu！
回鄉証過期了．．．．陰功呀！！！！！！！！！！！！！嗚嗚．．．．
《希望井》
掉落深井，我大聲呼喊，等待救援......
天黑了，黯然低頭，才發現水面滿是閃爍的星光。
我總在最深的絕望裏，遇見最美麗的驚喜。
節錄幾米《我的心中每天開出一朵花》