2005年5月31日 下午3點34分58秒“他條”！

５月３１日（星期二）　晴

今日瞓到差唔多兩點，哈哈～　係兩點呀！！！　都唔記得上一次瞓到兩點先起身係幾時喇～

今日全日stay 係屋企，差唔多成個星期都無試過喇～　係幾hei ga！不過一日半日咁樣好舒服！

終於睇晒《長腿叔叔》喇！好好睇唷！

做咩呢排咁多人病病呀？！～　大家要小心ｄ先得ga！　唔得要人擔心ga ma！
今日睇新聞，有個小朋友係游池游水，遇溺，比救生員救左上黎，但送到醫院，最後救唔返～好恐怖！果然係好危險呀下！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

玩個心理測驗~

1,你有把零錢放入錢筒的習慣嗎?
Yes～前進至3
No～前進至2

2,你就算熬夜也依然光鮮亮麗?
Yes～前進至4
No～前進至7

3,你很想或曾經去過迪士尼樂園?
Yes～前進至6
No～前進至5

4,你喜歡的異性類都很相似?
Yes～前進至7
No～前進至6

5,最近你很少看電影,只看影帶,影碟?
Yes～前進至9
No～前進至8

6,你自認和另一半的母親能處得來?
Yes～前進至8
No～前進至9

7,你會買新出品的東西來吃?
Yes～前進至11
No～前進至10

8,你不相信超能力?
Yes～前進至12
No～前進至13

9,你家有電暖器?
Yes～前進至12
No～前進至13

10,你認為忠心已經落伍了?
Yes～前進至13
No～前進至14

11,最近你認識了很好的同性朋友?
Yes～前進至13
No～前進至14

12,你的房間塞了很多東西?
Yes～前進至19
No～前進至15

13,內衣褲每天一定換洗?
Yes～前進至16
No～前進至15

14,你沒有什麼恒心寫日記?
Yes～前進至17
No～前進至16

15,你的穿著滿隨便?
Yes～A類型
No～前進至18

16,你一定會買排行榜歌曲?
Yes～前進至20
No～前進至19

17,你的東西常遺失?
Yes～E類型
No～前進至20

18,你有一些絨毛娃娃?
Yes～A類型
No～B類型

19,看推理劇時你都能猜到犯人是誰?
Yes～C類型
No～B類型

20,你想學滑雪?
Yes～E類型
No～D類型

2005年5月30日 下午5點04分30秒Swimming～

５月３０日（星期一）　晴

今朝都算幾早起身喇～　１０點幾１１點醒左，事關要返學校練oral，唔得遲！
１點半返到學校，做左幾個discussion ，差唔多４點幾就走！
去TW join 姐姐～　佢好白痴，山長水遠去圖書館諗住還書，點知去到先知無開，白去，又要返轉頭，真係個傻婆呢！

Join 埋佢，陪佢去剪頭髮，之後陪佢去買化妝品，我呢個妹真係算唔話得喇，遲到都倍佢買埋先！因為知道自己可能遲到，所以打比paper 話佢知，點知最後又無遲喎，打比wanlee，由wanlee 口中先記得一直以為約左6點ge 我其實記錯左，係６點半，最後我係早左成半粒鐘，個半粒鐘真係悶死我～　最後wanlee 同馬騮都好準時係6點半出現左！

去到游池，見到paper ，3T 同朱朱都到左喇！先玩個遊戲先，真係猜包剪揼輸左個四個要揀一粒朱古力食，而４粒朱古力入面係有一粒係辣味ge！　第一次，猜輸左，要食，但無食中，3T中左呢不過～　第二次，又輸，仲要又係要揼，真係激死呀！一放粒朱古力落口，就feel 到自己lai 野喇～　嘩！條脷即刻興合合呀！！！　其實粒朱古力唔係辣，係令到條脷勁興law，好唔舒服，都真係多謝大家用呢個咁大趣ge 方法幫我熱身呢！不過我更有興趣試下3T個妹妹個friend 所講ge 屎味law！我諗真係會笑死！

７點半入去，因為紅蟲事件之後，唔比著深色衫入去泳，平日有著開淺色衫ge我，偏偏今日帶左黑色衫，係唔比我著入去ga！陰功～　凍到痴線，最後係叫左朱朱比件衫我law～　真係要講聲唔該晒唷！不過著左都唔見得好得去邊law～　都係變到好似小丸子入面紫色嘴o個個“滕木同學”咁law！唔記得幾點開始游lu，玩左“埋周”同“何仔公”，係咁碰解，真係玩死捉個個law！９點９上岸，成隻女鬼咁呀！！！

最後各自散，同wanlee 一齊撘地鐵，講下返工d野！好快就到lu！

返到屋企有姐姐煮麵過我食，真係唔該晒唷！Thank You！

2005年5月29日 下午6點48分02秒我好重要！嘻～　

５月２９日（星期日）　陰

Happy Birthday To 3T!!!!

嗚～　無得一齊反呀～

嘩～　瞓到成點幾先起身！　好耐都無試過瞓到點幾喇～　不過都唔係好好瞓ja！

４點幾online～　chat 左個幾鐘～　就換衫返工lu！
今日好似有ｄ趕呀下！太好喇～　終於唔駛守R區～　今日比尋日游閒！　

今日開工前，係toilet 執樣個時，仲見到安兒tim 呀！真係咁就Q law～　佢見我地一身制服ge 打扮仲問我地係度做咩～　好搞頂！　原來佢係隔離，即係金龍船dinner～　嚇死～　仲以為真係咁Q係Sushi Tei！

今日有一枱客好搞笑～　見到我拎住個茶壺，我係幫佢加緊茶ga ma～　之後個男ge 就話～　“嘩！好茶壺咁大個ge～　咁咪好重law？！”　咁我就答佢話：“都ok ge！”（都唔知自己答咩！）個客又再講“有細茶壺應該用細ga ma～　唔駛咁重！”跟住我就笑左出黎，遲宜左陣再話“唔緊要喇！”個女ge 就話“你睇下你搞到人地唔知點答喇～”　過無幾耐，又再為佢地加茶～　個男ge 又開聲“e?! 咁快又加茶喇～　休息下先ma！”好搞笑～　開工有時與都呢ｄ客都幾開心～　唔駛拎到做野個時咁悶同咁嚴肅！

今晚我同阿琪收檔！廚房仲整左ｄ珍寶腸同蒸水蛋比我地食呢！Yeah！

１１點８度做完晒野喇～　嗱嗱聲換衫～　係１２點前打比3T！Yo～　成功！

有一樣野之前唔記得講比大家知ga 下！　有一日返工呢～　係全日聽到AVRIL　d 歌ga 下！真係覺得好有taste 呀下！　全日就聽住AVRIL　d 開工，真relax！

多謝kityu 等埋我收工喇～　希望佢唔好遲幾日先sad la！

返到屋企接到火星人同 海王星人 ge 電話！　邀請我聽晚游水呢～　仲知道左Abra 十大行星篇！　好搞笑呀下～　想知？！　就問下火星人、海王星人OR 金星人喇～　哈哈哈～

2005年5月28日 下午6點23分19秒返工！

５月２８日（星期六）　雨

尋晚又係瞓得麻麻，成日無啦啦醒左～又難瞓返！

１１點幾１２點起身，開飯！好味～

食完，做下自己野～　做返前幾日無做ge 野～　一做做到４點，換衫走人！

去TW join Kityu！　佢隻白痴，專去ｄ收唔到ge 地方，不停兜黎兜去搵佢，又唔企定定～　真係溫到憫憫地呀！　打左十幾廿次終於都通左～　最後叫佢企定定唔好走～　先搵到佢！

之後去左幫姐姐買野～　真係覺得自己好好人！

之後去左m記坐下～　差唔多６點半就走lu！　返工！

今日係星期六，好多人呀！　一開始就好鬼忙咁la～　又係守R區～　即係唯一ge 吸食區ｄ，唔係卡位就係長枱，今日連“公廁”同“房仔”都有人，成鬼咁嗅住ｄ煙味，有時加緊茶又兜口兜面噴埋黎，好臭呀！！！　

今日入房仔～　送９杯茶入去喇～　因為太重ge 關係，放低左係枱，咁就開始放低ｄ茶，放左６杯，仲有３杯係盤邊～唔平均～　3杯瀉晒！嚇死law真係～　３杯茶完全瀉晒落兩隻腳度law～　已經係嚇到唔覺痛ga la～　講左勁多萬次sorry，佢地又勁講唔緊要唔緊要，咁梗係，無倒親佢地～　真係算好彩～　係無咩人睇到ge 房仔倒瀉茶，無同事睇到，又無“陸”親客，咁o岩係房仔又係鋪地毯，ｄ杯無打爛到～　入黎個個經理係阿昌，唔係alen，如果係alen，實比佢鬧到七彩．．．真係要多謝喇～　做錯ｄ咁緊要ge 野都好似係度瞞天過海咁law～　比阿Yen 知道應該都會比佢鬧～　平時放茶無對logo 都比佢話～　如果比佢知道左，都唔知會點呀！最後戰戰兢兢咁斟返３杯茶入去～　又再講sorry～　好彩ｄ客係我地呢ｄteenager，係大人，實又比人話！　返到出去，襪呀鞋呀都濕晒law～　好彩最後好快都無事lu！

一直做到收工～　仲等埋kityu 收檔，齊齊走～　落雨呢！　勁係度講cindy d 衰野咁law～　唉～　拍佢收檔真係做死呀！

出左更表lu～　下個星期４至６呀～　返早呀～１０～３呀！　Yo~ 如果係玩～　可以下晝同夜晚玩lu！

PS.感動

2005年5月27日 下午5點10分34秒返小學！

５月２７日（星期五）　雨

尋晚成日都醒下，瞓得唔多好！１１點幾起左身，但依然好眼睏～　接到來電～　開心！之後仲繼續係skype 傾左一陣～　呵呵！

今朝老豆勁整野我食la～食到我超級飽！　又話返工個度點會無得食，feel 都佢勁驚我餓襯，多謝！

２點幾返學校拎助學金喇，再嗱嗱聲返小學喇！嘩～　行到身水身汗，熱到爆炸！

去到小學，今日有春ｂ、婷婷、細孖、肥康、峰、柬芝、生生、Yip 球花、Lee汗龍、Kowk超文、伍偉傑、同埋我la～　total １２個人！浩浩蕩蕩咁等ｄ學生放學～　見到ｄMiss 阿sir 帶住d學生出黎～　真係好搞笑～　係咁同佢地揮手，佢地個個都係講“嘩！真係個個都大晒law～　完全唔認得law！”好頂癮！等佢地返帶完隊返埋黎，就簽名入去喇～　貼住張訪客ge 貼紙！由Miss Ko 帶我地呢個Tour～　真係改變左好多好多野，先係有未用得ge 新翼，個操埸都整過～　比以前ge 真係靚好多，多左幾級樓梯，走廊少左一級，我地都好記得，仲比miss 話我地好記性！但一叫佢地記下我地個名，就真係考起佢地！仲要比Miss Lee 叫左我做“潘艷梅”law～　真係笑死！不過個個都算係認得我個樣喇，話我都係無咩變，個個都靚左咁law！　但Miss Ko 話我地返得黎好唔合時，唉！又唔合時？！～　次次都係咁lei，Miss Fong 又整親腳無返，陳sir，Miss Siu、Yip sir等等．．．一ｄ走左去帶隊出去，又有ｄ走左呀，帶班呀～真激氣唷！

入左課室，坐低～　係P.1 個d課室，真係矮到爆呀ｄ枱櫈～　好得意～　個個搵個位坐低，同miss Ko 係度傾計～　好正呀！仲入過toilet la～　係靚過WYY ge toilet　ga 下！　又上左hall la～　而家竟然係有補課ga 下！真係陰功呀！　上到hall，見到多左塊鏡，應該係跳舞用喇！個時又唔見我地有用！　兜左幾一陣，又落返去喇！同仇生，Miss Lee傾下計喇～　影相喇！

仲係雨天操場Hei 下咁喇，等埋肥黃等閒，同佢影幾張相，差唔多６點就閃人喇！

去左KF 齊齊dinner la！　去左Pizza Hut la！　Yip 球花、Lee汗龍就走左，最後有１０個齊食，傾下計喇～　睇下相喇！同埋食野law！　

而今晚ge 高潮就係o係食完飯之後law～　起初係話去影貼貼la，但知到Pui Ting又黎緊喎～　咁就等埋佢先喇！於是就係貼貼出面個枱度玩喇～　一開始，係揼手ga！咁多個人一齊玩真係好得ga 下，於係最低個個真係唔比人打到都比上面ｄ手疊到紅晒law～　好刺激呀！　之後又玩“乒”“扮”“嘩” ！　嘩～真係估唔到可以有人係咁白痴law，阿峰佢真係勁低ｂ，教左佢勁多次，都係錯同一樣野，真係笑到我地肚痛，佢仲要係唔知自己又錯同一樣野law！真係無見過人咁蠢ga！佢最後係好想請我地食雪糕而唔想繼續玩“乒”“扮”“嘩”呢個game law！玩玩下有ｄ工作人員走黎話我地太嘈，比人投訴！咁多人，唔嘈就假喇～　咁係咁ga la～　又唔係阻住佢地做生意，咁夜仲有咩生意呀？！～　玩咩？！～真係衰衰咁呀！　之後前左貼貼～　一般～　因為Pui Ting未食飯，所以就成班人去左仙跡岩喇～　傾下呢樣傾下個樣就走lu！　因為個度真係好鬼凍！　Um~本來話去打機ge，但因為又唔想太夜返，於是我，春Ｂ，細孖，tingting，柬芝就走先lu！

今日真係好開心呀下～　無諗過可以全部人都玩得埋law～　因為細個個時唔係全部一齊反ga！真係好正呀！　快ｄ約埋Miss Chan 出黎，同埋去camp la！期待呀～

PS. 好想講對唔住呀！對唔住呀！

遲d再post d 相比大家睇