網誌
2006年1月30日 下午5點49分32秒本命年...=.=
好勁邪....arm arm過年第二日....即lock親條頸....跌左手提電話....壞usb頭
希望就甘就完就好了.....各位本命年既朋友...小心....
2006年1月28日 下午8點57分48秒遊戲
呢個世界醜唔醜惡..好睇你點諗..好睇你而家企係邊面..
其實..又可能唔駛睇到好負面甘既..因為你諗得通既..明白左個道理..就會發覺大家都唔係甘"醜惡"...因為大家都只不過係為自己而生..人不為己..天諸地滅..
你唔可以話大家甘係唔岩..只係可能由細到大既教育話俾我地聽..要禮樣..互助互愛..我地一直都覺得係ga..由小學..中學..大學..大家點玩極都好..都算係融洽..但係霎時間..有人同你講..呢個"game" 而家改左遊戲規則..唔該將你習慣左廿年個套dum左去..點都會唔慣既..
點解突然會改左d rules?? 因為之前玩左個廿年..都係唔計錢..斎玩..贏輸有乜所謂..但係而家唔係la..贏同輸可能同你以後既生活有關..甘邊個想輸??
而冇錯..你當然都要同大家一齊玩呢個遊戲..大家手上都係甘多牌..有人揸大弟..有人揸階磚三..但係一開始揸衰牌既未必贏..因為點贏係睇下你點樣出牌..知唔知乜野叫知己知彼..唔好過份高估自己..亦都唔好妄自菲薄..其實留意多d身邊既事..你就會發覺好多生活上待人接物既縮影..你叻既..就已經可以從中學習到一d道理
每個人會跟據自己既慾望..手頭上既本錢而去要求想要d乜..係..當然係人都想贏..唔想輸..但係你根本係現階段係輸硬既..夾硬要羸都冇可能贏到的..呢個世界唔係樣樣野話有決心..就一定會做到..所以遇到甘既情況..你可以做得乜??
一. 睇下有冇得求和先
二. 睇下點樣可以輸少d
對於我黎講..輸一定唔算係壞事..好似我之前有個朋友好唔開心..我有向神禱告話希望神可以幫佢渡過難關..但係同時我都有多謝神俾個機會我朋友去經歷..因為輸左先識去面對..先會成長..
呢個世界冇野話一定贏到的..個個都贏到..甘邊個做輸個個..冇人輸..甘邊有贏?? 但係如果又贏唔到..又唔想輸甘點?? 係..係有好多呢d人的..所以講到最尾..當你越睇越多既時候..你會知道你可能可以唔介入甘多呢個遊戲的..因為人人要肩負起既責任都唔同..亦都唔係人人都甘強好勝心..要你爭我奪的..但係最緊要至少都要識保護到自己..保護到身邊所愛..所珍惜既人..做一個有能力而又"隔岸觀火"既人可能係最明智..最開心的..
2006年1月25日 下午3點43分20秒停止了....
真的....可能如你所說般...改變了....我自己都開始感受到....有一點點的...害怕起來....
2006年1月20日 下午5點30分51秒門外漢 一
壓抑唔黎的慾望...原來連身邊的朋友都察覺到...我仲諗住希望可以盡量控制唔好表露出黎...
其實...係呢...係好定唔好呢...你講完之後..我都真係有諗過...
對於我自己黎講...覺得係一件好事...就算冇行動..早d認識..始終都係好既....但係反而我擔心長此下去...人會改變...我唔想有太大......因為我頗滿意此時自己既思路....
其實我同好多人都一樣..講多過做...但係點解...既然都未行動....你會覺得我好似快過大家呢...hhaaha...
我暫時都諗唔通呢點.....係你覺得我已經開始去到一個就黎行動既位置?? 定係開始覺得你朋友我有d變質??...我自己都不停甘反思緊....
縱然你覺得我比大家黎得快左d....但係其實我都係一個門外漢呢...但係我想去認識得更多...想去玩呢個遊戲...
當然當中一d另我有甘既諗法既原因....你都明白la...對我黎講.....
與其話.......能力越大...責任越大....
倒不如說....責任越大...能力越大....
hahahha...因為你我又多個機會諗下自己d野.....多謝wo...hahhaha
2006年1月10日 下午3點16分12秒de-visualizer
I am / You are a designer or visualizer....!!??