網誌
2005年11月21日 下午3點48分34秒不安
不安.....唔知係好事定攞野黎煩.....
近日....對自己既施既壓力越黎大....思緒從未試過既甘混亂.......好想發圍既感覺越黎越重..好想大家對我有期望既一方面...覺得得自己係能力上....到左樽頸...
對於自己既能力....自ive以後都算係心中有數...就算到poly亦然.....亦都算係有計劃甘...知自己係乜野時候會可以做到乜.....俾一個乜野新既挑戰自己去克服......但係霎時間..我覺得自己有點無計可施...唔知點先可以做得更好.....停滯左係度....但係另一方面..越黎越唔甘於現狀既我...又想做得更好...aiii.....都唔知可以點...好無助好混亂....
講夢想不如先講目標...我而家呢個時間最想而又最實際可以做到既目標係乜......每一日可以做d乜令自己改變...我應該要先搞清呢點....而我都慶幸自己都算係確切甘嘗試緊.....
人會不斷成長...人大左睇番自己...就覺得自己以前既野幼稚.....而我..開始覺得而家既自己幼稚起上黎....雖然我只算係出黎做左一年野多d...唔可以甘快強求d乜....但係心急既我...開始覺得我而家唔應該仲係係呢個位.....唔係同邊個比較...純粹係自己...我覺得已經落後左....唔係用乜野實質野黎代表我已經進步左..或者已經追趕到邊個邊個....而係...同自己比較之下....覺得...好似同之前..冇咩野好大既進步....
可能而家睇緊我發up 風既同伴們會覺得我而家講既野多餘....唔駛甘急...因為仲細或者點點點.....但係我唔想俾自己停...因為一停左幾時開得番副engine真係冇人知....而且我唔想俾"因為你細...所以而家你甘係冇問題"既呢類藉口綁住....因為幾時有得上..唔係講你既年紀..而係講...機會黎到你有冇能力去把握..而我而家..就係覺得就算有機會係我面前....我都未必捉得緊....因而有d混亂不安....um....
雖然我真係有d唔知點好...或者可以做到幾多.....不過始終要改變...就要靠自己...所以唯有自己盡量去加把勁....um....我一定會有所改變的....
最後..其實我自己都覺得自己係度講埋d甘懶係野既說話...係好幼稚....hahahha....不過...真係好想係度打低自己呢刻既諗法...所以見笑見笑了
完
2005年11月7日 上午10點06分02秒非常開心的~~~4週年
終於踏入第4個年頭....就好似係霎眼之間既事.....值得開心既係....我地既關係係只有更加既親密~~~問題還是一定會有~~~不過對方既感覺~~~默契~~~亦都係越黎越好~~~期待10週年日本紀念旅行~~~hahhahaa
4週年......本初都冇諗過去邊度慶祝~~~um.....因為其實我同佢都係d冇乜所謂既人~~~~禮物...地點~~~冇都唔係甘有所謂~~~但係呢個甘特別既日子...我都真係唔想行街食飯甘樣渡過~~~最後......決定了~~去一個原本我同佢都幾乎完全無興趣既地方>>>>香港迪士尼
無興趣既原因...我諗其實都不外乎因為細~~~驚冇乜野玩~~~而且最重要既係...可能好多大陸人........所以出發既心情不是怎麼興奮~~~不過由上米奇列車~~~到達地鐵站..行到去迪士尼前既噴水池......買入場卷.......去到正門入口......心情都算係越黎越緊張...期待......始終迪士尼還是迪士尼....凝造氣氛方面...係不可以小看的.....一d簡單既佈置...都可以引領到你既心情.........
入場了~~~一路行~~一路令我諗番起去日本時既回憶~~~~雖然地方唔同~~不過迪士尼既感覺還曷一樣......呢個應該係令到我地更開心~~更投入既原因吧~~~
因為大家都未食lunch既原故....我地去左美國大街其中一間餐廳食我地所謂既午餐...因為當時已經2點幾了~~~hahhahah.....食食下.....慢慢既...我見到人潮問始湧現......有d人企係度~~~有d人坐係地下~~我先醒起~~係wo~~~有巡遊wo~~黎迪士尼...冇睇巡遊既話真係笑死人....好彩仲有d時間~~我地算係加快速度甘解決左係我地當前既食物~~好快甘埋單走人~~一出餐廳門口~~~音樂亦剛好響起~~~我地加緊腳步去找尋一個好位置~~觀賞呢個盛大既表演節目~~
松鼠仔...米奇...米妮..小婑人..白雪公主..小魚仙...數不盡既卡通人物....加上...音樂.....dancer既舞步......揸著dv機不停拍既我都不禁為這出色既表現而感動........又一次諗起日本了...hahahha.....
今次係hk disneyland.....我地冇太多話排隊玩乜~~~剩係玩左一兩樣......因為一來我地都覺得係日本都玩過~~~二來我地今次用左好多時間排隊同d卡通人物影相~~~所以無乜時間再排隊玩個d野....三來...hk既主題公園.....唔係甘吸引到我地......
呢度行下~~個度行下~~~不知不覺就7點幾~~~我地入左去一間叫咩野royal乜乜既野食dinner.....個名就好好聽ar......點知入到去.....根本就係food court.....真係.....我地都去過另外好幾個食野既地方......基本上都係food court feel....係最初一開始入黎迪士尼係美國大街個間...俾左我不少既好印象.....突然無晒......原來個間餐廳已經係最好個間了...唉..仲有...唔知點解......hk disneyland無夜晚既巡遊表現~~算係再令到我有d失望~~~
八點.....煙花匯演.....抱住不怎樣期待既心態.....但係....
比想像中更靚更震撼既煙花一個一個係我面前出現......雖然我係日本人...呵呵呵.....不都不得不盛讚香港搞煙花真係有一手.....可能係因為成日放既緣故la...hahahaa......其實我諗呢場煙花甘好睇最主要既原因..係配合得宜既音樂~~~我初次感受到原來煙花係要夾埋音樂先有化學作用的...以前都完全唔覺係......同個d乜野維港煙花大匯演...d所謂音樂...亂甘播....是但作個名..就話係主題個d...完全係兩回事...
而呢場甘靚既煙花匯演~~~為我地呢個4週年既紀念日推至高潮....亦都同時令到呢個甘開心既日子...有一個好好好好既結尾.....