LonelyHome的主頁

Tropical

Sat, 02 Aug 2008 18:46 EST

【Tropical】

Photographer : Dicky Leung
Make up & Styling : Samantha
Lighting : Gary Lam
Assistant : GGate

是次滿意的照片實在太多, 也令我們難於取捨!
於是作品就被我分成四個主題,
礙於太多, 也只能 Post 小部份在這裡了!

原來 "越夜越有機".... 此話不難解...

themeⅠ【LAMBENCY】

-------------

theme Ⅱ 【SUMMER SOLSTICE】

-----------------

theme Ⅲ 【COLOUR of GLOAMING】

------------------

theme Ⅳ 【MYSTICAL】

Full set of 【Tropical】
↓
http://www.fotop.net/ChingSamantha/cheungsha

( 緊記開啟 Speaker 觀賞呢! )
這相薄讓我花了無限心機和大半天時間去設計的啊!

------------------------------ --------

Marvelous!

【Tropical】不止越夜越有機,
原來還有陸續驚喜!

Thanks Dicky! U so elaborate!

Thanks for Gary had taken this pic for us!
Realistically! Excellent!

同場加映兩張小休時拍下的...

【嘉士伯可能係世界上最好o既啤酒】
哇卡卡卡 ~~~~~~Cool~

炎夏+陽光+攝影+ 海灘+根煙 +嘉士伯!

What a wonderful life! haha!

Photo Shooting @ 27 Jul 08

Sat, 02 Aug 2008 18:40 EST

一大早( 對我而言是很早 )先跟 Dicky 到東涌會合他的夥伴 GGate和Gary,
噫? 這傢伙怎麼像個自由行? =_="
只顧四處拍又說風涼話的我其實行裝也不輕便啊!

先吃個比我想像中難吃的早餐, 那杯 Mohca 還尚可!
水準還不到 Starbucks 的十分之一啊! 過份啊!
向來不浪費食物的我也吃剩了一大半... 仍然肚餓中...

Dicky 把他那支鏡換上我的 450D baby 試玩一番...

由跟 Dicky 乘車開始, 三部手機都因公務而一直響個不停...
多煩人! 我的星期天啊!

嘩! 我的 450D baby 加上 Dicky 的50mm lens 和技術,
技癢的隨拍也好美呀!

好了好了! 時候不早了! 出發!!!

途中跟 GGate 談著談著...很快就到埗了!

換過衣服後先跟 GGate 來張自拍,
GGate, 我們本來早就應該見過了! 對嗎?

一切皆準備妥當? 還未! 大家還是要做件更緊要的事.....

先抽根煙...

是日拍攝開始了!
先看看由 GGate 拍下的小小花絮~

好熱啊! 眼睛也得要跟陽光角力!
雖然化了妝很辛苦, 不過就是喜歡這耀眼熨人的感覺!

認真的 Dicky 先讓我看一下 preview,
不用啦! 先拍完再看吧! Totally Trust U!

這裡的樹又脫樹皮又刺人, 不過為了效果,
還是堅持要爬上去!

根本不能坐得穩, 只能用雙手借力支撐著身體,
哈! 要跌了!

還有 Daisy 拍的花絮...

你兩個偷o野? 還不快點! 還拍照!? =_="

其實偷的過程好好笑, 先假意靠近, 左顧右盼, 又不夠力把它撕下來,
一路扯, 一路怕讓村民看見! 哈哈!
到底也是首次有男人為我偷東西呢! 還要兩個! 喔呵呵呵.....

就是為了這塊蕉葉!

好啦! 讓一半給你遮陰乘涼啦!

遲來了的 Daisy, 其實陪我是其次,
碧海暢泳才是她這趟首要目的!

噢! 反町呀!!! 還要是汗濕的反町呀!
哇卡卡卡.....

輪到我拍你!
噫? 原來是周董眼睛的反町....=_="

草叢發現女屍?

Dicky : [ 應該死了很久, 都發脹了! ]
Gary : [ 這麼脹, 應該是溺死再被浪衝上來的.... ]

哈哈! 其實那些葉很刺人啊!

太熱了, 大家來個小休

吹吹煙, 喝喝酒...Good!

怎麼要動用太陽傘? Dicky 那 concept 很好!
待照片正式出後, 便知道了!

非常細心的 Gary 在替我噴上蚊怕水, 謝謝你!

雖然已經沒甚陽光, 但還是熱得要命!
Dicky, Gary 也不比我好受! 大家都辛苦了!

大家都對照片非常滿意!

鏡頭後一直很照顧我、處處提點我的 GGate!
還很好玩呢!

拍攝一直延至晚上, 跟 Dicky 都伏在很冷很冷的海水裡...
很期待這次大家努力的成果啊!
Dicky 快點出相!!! 哈哈...

其實下午有段時間天空突然風雲變色! 還來了場非常恐佈的大風沙,
整個身體都被風沙打得很痛, 又睜不開眼! 沙灘廣播又呼泳客上水,
睜得開眼時, 大家的東西及器材都被沙淹蓋了...
( 後來回家看新聞才知悉下午三時多個地區天氣反常, 氣溫急降十度,
大埔和沙田更落雹數分鐘, 亦有潛水者被突來巨浪捲走淹死! )

唉! 怎麼每次外影, 藍天都不被我遇上!

--------------------------------

一行人到了東薈城晚飯, 吃最愛的泰國菜!
被我害得呆著悶了個多小時的 Daisy~ 真抱歉!

很開心認識你們! 非常好玩的朋友!

耐心的 Dicky
貼心的 GGate
細心的 Gary

這裡當然不及九龍城的泰菜好吃, 不過大夥兒的無聊談笑都蓋過一切了!
這天, 即使很累! 但非常愉快!

Cheers!

Thanks U All !

縱要逞強也會軟弱

Mon, 10 Mar 2008 10:53 EST

10-03-2008

我愛妳, 更愛我們的關係。
我們會吵架, 我們曾經分離, 我們甚至會不喜歡彼此。
但是這十多年風雨過後的此刻, 我必須愛我們的"關係"。

我把仇恨、對錯、猜忌都挌在一旁, 把"關係"看作第三方,
再去看兒時妳抱著我的舊照, 去懷緬妳送我首天上小學那成就的笑臉,
去回味那些清晨妳通宵工作後為我買來那麥當努早餐,
去回想早年我們久別後那相互凝視的淚眼。

去重新喚起我們共同創造的回憶, 我深信如果我們對這些回憶有信心,
它會把我們即使分離也拉回彼此身邊, 把我們怎樣也緊繫在一起。

我倔強, 我逞強, 我在妳跟前也很想撒嬌軟弱,
昨晚, 倔強的我聽著愛裝強的妳流淚也待不住哭了,
重蹈覆轍的事情, 要承受的人們也不再像從前般能夠承受,
因為妳老了, 因為我懂了,

妳要決定承受妳所選擇的, 我也得承受上天給我不變的所選。
我想說... 妳的淚為不甘而流, 為妳們而淌,
我流的淚只為妳而已。

儘管我要置身事外, 妳一定要明白。

我們仨, 誰也不讓誰跌倒!

life~

Sat, 01 Mar 2008 08:38 EST

上個月同肥Ben msn已經講好會黎支持下, 放工就同Daisy去,
下晝同肥Ben通電話又話唔使book, 原來要架, 又full wor, 差D比佢棟左,
好在個哥哥仔話:[Ben哥d朋友冇所謂],
喂~死佬, 恭喜晒! 恭喜晒!㊣

↑(此照片偷自Ben Blog-_-")↑

肥Ben設計o既精美書籤一set~ Yeah!!!
至愛ar嫂玩頭髮呢張! 正!!! (即刻諗起"Stories")

我呀! 我呀! 呵呵呵.....

重溫下先.....肥笨, 你真係我偶像黎架~
http://www.fotop.net/ChingSamantha/Benworkshop

↓http://www.fotop.net/ChingSamantha/yautong↓

Ben, 其實好鐘意你影o既相, 有mood又下下估你唔到~
你再話自己影o既係垃圾相, 即係欣賞你d相o既人係乜先?

****************************************************
03-03-2008

今日同Daisy都成7:30pm先走, 去左佢之前勁話d意粉好味果間野度dinner, Eeeee~~~又真係幾ok架wor!
不過o係旺角仲要係女人街裡面黎講, 就貴左d....(對面海o既價錢)...-_-"

係咪好奇怪我夜媽媽仲戴超? 事關我個面面出左事, 成面一撻撻又紅晒, 飲緊中藥架喇...
That's why我o甘耐冇post相law! 呢d相其實縮細左先睇唔到乍.....(慘!!!)

01-03-2008

因為我公司office同工場係o係隔離, 所以公司reception都有賣雪糕o既,
除左有時試食新味道之外, 我仲久唔久走出去"畢"落杯杯度返埋位食~~~呵呵....
所以真係肥左.....><" 喂~~我條腰呢??? 哇卡卡卡...

左邊係公司皇牌 (亦係我至愛)o既開心果味, 右邊係新出o既蜜糖~
拿拿林去我地d門市試下啦喂.......hohoho~

****************************************

今日無la la唔想食肉, 想食茄子, 但諗諗下o甘多年淨係會整魚香茄子, 就試下用東菇紅燒la~
好簡單架乍, 又好味! (自讚中...-_-")

1> 將d切左o既茄子慢火煎至腍身同金黃色, 因為茄子好吸油, 所以要多d油ar,
     如果唔係又黑又痴底.... (其實唔用易潔鑊會香d, but我懶><)

2> 兜起d茄子放上吸油紙度, 備用~    3> 然後將蒜粒, 蔥, 冬菇絲一齊落鑊爆香~

4> 炒熟之後倒返之前煎好o既茄子落去,
5> 加1/3飯碗o既生抽, 3茶匙砂糖, 少少麻油一齊炒大約一分鐘,

o甘就大功告成喇!!! Yeah~ 你睇! 屎屎仔都聞到香噴噴呀!

我要再諗下可以點整茄子, 因為最近知道茄子有抗癌特性,
對心臟有益同平衡血壓, 而所含o既脂肪同熱量仲非常低添~ ^^

*****************************************

早果兩個星期我忙住周圍去做野, 終於都上左公司o係昂坪間Shop睇睇喇...(自由行o甘-_-")
右手邊果張就係我去"悲情城市"做野時, 叫同事"司機甲"幫我影o既-->低能四遇見大碗麵~ 呵呵呵...

生活

Sat, 01 Dec 2007 15:58 EST

08-02-2008
年初一姐姐同姐夫同ar b仔又蒲頭喇...第一年多左新成員o既CNY!!!

16-01-2008
好耐冇真真正正煮餐飯喇, 始終一個人住食得幾多wor...
所以阿妹一話上黎食飯, 我都好開心! ...(事關我其實好鐘意o係屋企食ga)
做埋d野即刻返去買送 (d牛肉真係貴左好多ar...><)
我地兩隻pig仲齊齊添飯ar!!! 在家好溫暖ar...

13-01-2008
四個月冇見喇, 冇諗過會黎返呢度仲一次過見返晒你地! 呢晚玩得好開心!
師兄, 多謝你!!! 我真係叻左咩? haha~

01-01-2008
總括呢個07年其實並唔算係開心o既一年,
希望今年可以盡快調整好自己, 尤其係工作la~

回顧下呢個星期o既o野先~ Niepig送左聖誕禮物比屎屎啊!
你睇佢幾靚仔! 仲好鐘意o甘bor!!! (自己以為...) 哇卡卡...

26-12-2007
又同Tavern lady們dinner喇...! 你地真係好錫我! 謝謝你地d小禮物,
講真架, 真係好慶幸識到你地~ 我明架喇! 我唔會要你地失望!
(當然要多謝Jeremy令我認識你地la!)

之前我msn info post左句:[ 除左睇戲邊樹有新鮮爆谷食 ],
Micheal真係為我找來了自家叮叮爆米花! 正正! 謝呀! 太客氣喇!
登登登櫈!!!!!

放入微波爐叮叮佢, 噼嚦啪啪一輪之後, 2分鐘就爆到脹卜卜~

哇哇哇...熱辣辣喔.... (仲冇戲院果D o甘甜添!)

好緊張o甘望住佢慢慢脹, 又驚會爆到成個微波爐都係,
我o既災難性心理驅使我快左熄個爐, 所以原來仲有好多未爆架....oh....no...

平安夜果晚公司其中一個X'mas booth完結,
我事先o係facebook度怒吼冇街去仲明明放假要夜媽媽去close個booth,
果晚竟然先後有兩位素未謀面o既facebook人黎左送聖誕禮物比我啊!

有Micheal送我page提過好想買o既小馬新書同Clovis 送o既agnes'b頸巾
(你話丫, facebook幾厲害!) 有d受寵若驚, 哈~ 燥底工作中識左兩位新朋友,
thx guys~ 人間有情啊(((((((((((((((((((((

我o既搞笑老闆賜比我o既磨黑椒器! (一直都好想有一個架!) 讚!

最近瘋狂愛上而又食多多都唔厭仲飽左都想繼續食o既...
登登登櫈~~~
意粉屋o既羅馬菜菜同大排骨! YEAH! (其實佢地係凱撒大蝦salad同燒豬仔骨...=_=) 愛死!!!

****************************************************

10-12-2007

看清一個人, 得到的是一個遲疑的明白。
我再要怎去善待自己?
我還怎樣原諒你?

當然, 這個原諒不會被在乎,
但恨一個人,也不來得好受。

痛苦和淒楚也源於不甘心上,
徹夜難眠不會令人想得通甚麼,
反而這刻痛徹心脾始知原來清醒來得很易,

當初要變節背叛,
今天對話演化涼薄,又好像很合情理,
人要變質了, 就不由得你執迷不悟。

********************************************

08-12-2007
星兒終於娶老婆喇! 我從來未試過去飲o甘開心~
以前大家日日見到, 一齊返工,一齊玩, 有時無聊,有時低B, 仲記得有段時間佢同蚊蚊冷靜期,
我地就成日一齊周圍去, 仲射波去shopping...

大個仔喇! 而家見到你o甘幸福, 我真係好開心,好感動....

The pics of that nite--> http://www.fotop.net/ChingSamantha/singwedding

30-11-2007 @ 西環

兩個新界人半夜兩點出現o係西環度飲夜茶已經夠詭異...=_=" 仲要變態到去家訪... wakaka~~~
終於都見到傻mee mee喇! 真係好似我隻屎屎仔呀!
姐姐阻住你訓覺, 打搞晒! (其實仲阻住組長Ken pack野出trip添~) 呵呵...

29-11-2007
同Niepig早一晚隨口講過話今年聖誕前要去好多Shopping mall影低d聖誕佈置,
雖然唔知做唔做到, 不過我地今日兩個傻婆去左Festival walk喇^^

今年將會係我第一年唔使返工o既X'mas, Niepig話會陪我架!

o甘多年一直都唔鐘意節日, 可能因為每逢節日都冇男友o係身邊, 又可能因為以前身邊只有一堆唔太交心o既酒肉朋友...
但係今年係我同Nie認識後第一個大節, 呢個傻妹係我第一個o甘close o既朋友, 我知道佢會令我想學習享受每一個節日~ (因為呢半年我真係笑多左^^)
至少...我會想去影低一d有節日氣氛o既野...(對我黎講...好怪)哈!

同場加映Niepig操刀o既~ "懶訓屎屎"一張... (By my i-phone~hohoho^^)

My cat's photo album---> http://www.fotop.net/ChingSamantha/mylovelyson
My cat & me ---> http://www.fotop.net/ChingSamantha/cici

27-11-2007 @ SKY
"SKY" = Samantha + Ken + Yannie <--- 組長Ken改的...=_="
同新朋友仔 (Niepig o既大學同學仔) 又去左我至愛o既 Pokka度dinner, 仲去左睇映畫戲添! 哇卡卡~
果套唔知 "乜東京鐵塔" 啊, 搞到我好樣衰o甘喊到收左又返頭喊! 停唔到!
因為好掛住癌病過世o既爸爸, 轉下眼, 都十年喇... 不過仍歷歷在目。
I miss u daddy!

還是發生了

Wed, 24 Oct 2007 12:49 EST

18-11-2007
今日同Niepig & Spike去了拍拍照.... 之後就齊齊dinner ar~
um...我想講...... 我其實都可以好快樂!
Jeremy BB, 你也要一樣啊!

大家有時間可以看看我同niepig D low B pics啊~
因為這個小妮子確實是我的快樂小天使....呵呵呵 (((((((((((((((((
http://www.fotop.net/ChingSamantha/nie

By Spike o既preview一張~

By Niepig o既preview又一張~
個傻妹影相唔係玩玩下架! 影左三幾個月已經有o甘o既成績, pig你好叻女啊!

My full photo album -----> http://www.fotop.net/ChingSamantha

**********************************************

My birthday...

13-11-2007 with lokpig in Gold Coast hotel...
PIG, U R GREAT !!! >3<

12-11-2007
thx for ur "niepig & sampig" ar...kakaka~ I LOVE U AR 8 POI!

這天本來打算和niepig兩個去LKF渡過12點, 哈哈~
好驚喜... 新相識一天的朋友竟然突然送上蛋糕啊! 好厲害啊!!! 好詭異啊...

09-11-2007
冇諗過Jeremy d朋友會同我celebrate, 雖然令我諗返好多野, 但真係好感動,
多謝Mable搞呢次dinner...
更加多謝Beanny好有心機整o既咕咕力moss cake~

******************************************************

30-10-2007

沒人愛 :: 自愛 :: 自戀....................................我將迷戀你的心機, 迷上了自己...

我把靜止的思潮注入那狂妄情懷中......
我愛我, 甚至每一吋髮膚。我是我的, 誰都別來。

--------------------------------------------------------------------------
25-10-2007

你種在我眉稍的笑, 誰都不可以抹走
你注入我人生的愛, 誓死不放手
即使不足夠... 更顯得罕有

手在沒你那掌心溫暖下,重拾工作,
步履在沒你的腳步緊隨下,走這些路,
眼在你消失的視線範圍下,放眼世界,

我在沒有你的日子裡活了下來。

*************
17-10-2007

當要拿懾它時, 所有要考慮的......竟沒有你。

戲劇性得令我不想相信! 我這日來比之前難眠得還要厲害, 折騰得再怎樣, 它還是發生了。

當要將一件很重要的事告訴一個很重要的人, 看似是順理承章的, 理所當然的,
只是事情固然重要, 然而我對他而言早已不重要, 那還要說嘛?
因此, 我就乾脆撇下它重要與否, 就看成應該還是不應該好了。
結果是......
絕對應該跟他說, 但因為那些冷待與避開...又變成不應該......

我既衝不破那關口, 我更不想他朝要責怪的只有自責,
就讓他來一個理所當理的默許吧,
也許這樣我可以自欺地以為自己只承受一半的痛與責任。

終於, 我還是說了。
他那回應是我預期得到的,
可是聽罷後, 我的反應卻不是我所預期的。

徹底......傷透。

你懂麼 ?

Tue, 14 Aug 2007 10:24 EST

09-10-2007

你我也有孤獨時, 既然揮之不去, 就得擁抱寂寞...
你我也有困惑時, 若要苦尋解脫, 何不享受迷失 !?

我仍在, 我一直都會在...

****************************************************************************************

18-09-2007
你睇我幾梳干.... 哇卡卡...
食個lunch姐!!! 無la la話個餐飲可以轉香檳wor...=_= 我睬 ! 痴孖筋...

14-09-2007
hohoho~~~ 今日終於再食Sammy餐飯喇! (老人家唔願上鏡...)
我地兩個人食七o甘食, 我仲中場休息反左陣NDS, 然後...繼續食! wakakaka...... 癲架咩!!!
順便要祝福佢呀!!! 幾廿歲人終於就快成家立室喇!!! (感動...)
(P.S. 明明話要減肥架ma...)

12-09-2007

經已飽到嘔o甘滯...
都仲要切埋個哈蜜瓜再開埋罐雜果, 搞左盤野出黎係o甘食...=_=癲夠未呀... kakakaka...

31-08-2007
.... Got my new iPhone ya~ Thanks Mr. Law

Although it can't use in H.K. yet...=_=
anyway, thx

*****************************************

15-08-2007

愛過方知情重 , 醉過方知酒濃。

情 , 輕談... 唯恐未能感受那心意 ,
酒 , 淺嘗... 只怕又不在那醉意 ...

我以為...

Thu, 12 Apr 2007 15:03 EST

Happy Tavern !!!

27-07-2007

08-07-2007

Pizza ar.......yummi ~

*****************************************************

09-05-2007

o岩o岩睇到 Zorpia 發佈左個全球中文版---個名叫做 "若比鄰", 我諗係取其國語發音掛~
哈哈 ! 個名好似好 warm o甘~

係, 近呢大半年o係 Zorpia 識o既朋友仔真係好 warm 好窩心...
或者你會話我膚淺, 天真, 低能, 但最起碼圈子有別於以往, 好似乜都傾得o甘,
亦冇存在住太多利益上o既問題......

以前都會話人o係網上面識朋友好無聊, 但係始終人越大, 圈子越窄, 亦越見寂寞...等好多因素,

或者亦有負面o既, 不過慶幸我到目前為止-----得多過失~

http://www.zorpia.com/admin

******************************************************

肥 NIE~ pls dun be sad la ! 我地 laugh and cry 都要一齊 !!!
I LOVE U ~

Sor paul u r very 重要 ga...

*****************************************************

06-05-2007

想要一個孩子... 卻未婚 ;

想要一個家庭... 卻仍單身 ;

想要一個男友... 卻喜歡獨自一人。

******************************************************

01-05-2007

Steven's bday~
Crazy telecom city family^^.........I LOVE U ALL !!!

http://www.fotop.net/ChingSamantha/colleagues
Our crazy family album :
http://www.fotop.net/ChingSamantha/atwork

*******************************************************************

30-04-2007

I' m very mo liu to do that...but FUNNY !

********************************************

28-04-2007
2 pretty + 06:58 am wake up = scare !!! ><...........

**************************************************

27-04-2007       請勿傭人自擾

與一個人交朋友 , 是否交心 , 是否快樂......我相信該不會是單方面吧 ,

兩個人性格合得來 , 相處舒服 , 自然也會來往密切......如此簡單理由。

若有人看在眼裡 , 對號入座 , 就請你勿傭人自擾。

機心嗎 ? 算盡也好 , 都不及有此想法那位來得多。

畢竟我現在還打從心底的關愛我這位朋友。

*************************************************

26-04-2007

HAIR STYLING CHING !!! ....... wahahahahahaaaaa ~

cut ! cut  ! cut  ar ...... >.<

Hey NIE....................................u r  very LOW B ! -_-

13-04-2007     我以為...

以為事過境遷, 往往在我有困難時, 妳又來迫我....

每每碰釘了, 就要我來給妳收拾那些攤子,

我想......我也並非妳想像中強吧!!!

妳又何必在此時給我這源源不絕的負擔?

徹夜難眠, 好辛苦...

想起...

Tue, 02 Jan 2007 12:46 EST

11-o4-2007

Behind every tattoo, there's a secret.

這電影令我很久沒這 [想走進戲院] 的念頭...

本已遺忘的一段舊事, 被這電影從腦海翻了起來。
她還好嘛? 找到了要找的另一個她吧。

想起來, 還對當時跟她說的一番言詞感到抱歉, 亦因此而背棄一段友誼。
一直都沒有過問她這種事, 從何開始? 為何開始?

她跟我說的每句話, 總是硬要得到我共鳴,
總是毫不保留地把自己的事都娓娓道來, 儘管當時我們還相識尚淺。
一直在想, 是機於當時那聆聽者是我? 還是機於她對同性那種無形的信任?

到現在, 離開了那群共事多年的男生已一段時間了, 我那[第三者]之名亦除掉了好一段日子,
還未開始投入工作, 還沒開始重新相信愛情, 一切都給頓下來之時,
夜靜...竟有點想念妳。

*************************************************************************

01.04.2007

Missin' U...

********************************************************************************

02 Jan 2007

   欲說一些人們認為已經過時的話題 ...... 我想說。
   記著一些人們已經忘掉的戲言承諾 ...... 我惦著。

   因一個話題受了傷,  話題過氣了 ...... 傷仍在。
   為那句戲言感動過, 承諾不存在 ...... 還記著。
   你要說? ... 誰聽?
   你當成真? ... 誰記起?

   坦誠換不到真心; 真心亦換不到尊重; 尊重 ... 就等於有話說不得, 只因 ... 你不想聽。
   我又何必過於坦白?

   別以為坦白能將彼此拉近, 只會換到嫌棄, 把你牽得更遙遠......
   別以為真心能令對方動容, 只會被看成痴情假意, 嚇怕對方......
   別以為尊重就能相知相信, 只會被當作討好奉承手法的一種......

   以物換物? 交一友不如失一友, 我到底要用甚麼來換你?

   我坦白 ... 就是不要猜心, 猜心太可怕......。我承認過於渴望被愛、被需要,
   縱使你不需要我, 不愛我, 我亦不奢求, 但為何我不被介定為友?

盡頭...

Sat, 28 Oct 2006 14:59 EST

@ 30 Nov 2006 @

別以為那是盡處...原來深不見底...

我的臉不需誰的親吻, 然而我的臉並非生下來就讓人掌摑!!
那天開始, 我學習接受, 嘗試忘記, 企圖以工作麻醉自己。

難以成眠...就得依賴藥物; 未能釋懷...就得放聲嚎哭; 不受注視...就得對鏡自憐;

縱使人生不止愛情這段路, 可恨的是那個他根本一直不止站在此處。
是他一直操控一切? 還是我過於自我封閉? 如此...一無所有...
嚎哭...就能釋懷? 那釋懷就能成眠嘛?

誰說死亡可怕? 可怕的...只有他。

*****************************************************************

我愛的人...不愛我;愛我的人...我不愛...

伴我渡過那個晚上的...就只有這美麗且諷刺的玫瑰...

即使一切不真實,還有點妄想...我卻貪戀那份溫暖, 那一刻幸福...
沉溺在這虛擬當中, 也總比那真實的一切來得窩心,
縱然如此, 也無憾...

***************************************************************

@13 Nov 2006~Lonely Birthday~~@

如往年一樣, 這天如常下班; 如常獨個兒;
如常乘那公車; 如常走那條路; 如常回這寂靜無聲的家。
這晚迎面的風還有點刺骨, 它......也在嘲諷我.....

等, 等, 等......,等了十多分鐘..., 其實我在......等甚麼???

我沒有忘記那席話, 奈何我就是被世界遺忘.......

*****************************

I hate that day! I hate myself !

************************************************************************

28 Oct 2006

盡頭......

曾經, 我以為走到沒路, 乏力了......走不下去, 卻原來還沒有見底。

如今我又像走到盡頭, 然而這次, 我看不見前頭有沒光源, 那我何用再往前走?

你又何需把我迫進這角落? 又何用把我壓得喘不過氣來?

我不奢望生活安穩了, 我不要了, 我只要一口氣...., 能嗎? 能讓我一次嗎?

如此的你...是想知道生命有何等脆弱? 或是你想試諫甚麼?

我從小就知道低等就並不脆弱, 你以為我故作堅強的同時, 就當作是我委曲求存吧...

妥協就能被尊重? 盲從方能令你動容?

儘管我一一接受, 如今我又得到甚麼?

夠了沒? 你到底夠了沒有?

嘗試...

Tue, 05 Sep 2006 12:04 EST

還以為學會嘗試, 就會有所發現、有所改變。

我以為自己甚麼? 沒有!我就是沒有把自己當作成甚麼吧。
是先要給自己一個位置, 另人方能容得下我? 還是先拜託某個誰告訴我我是甚麼?

縱使不能怨天由人, 還是有點怨恨, 恨他......恨你......倒不如恨我自己。把我弄成如此的又是哪個他? 哪個你? 哪個......自己?我情願安穩平淡的寂寞, 我寧要不被傷害的孤清, 也不要再[嘗試]!!!

我尋......, 我尋甚麼???

卑微...

Thu, 13 Jul 2006 13:39 EST

我縱不耐看, 也想被人看見, 也許卑微, 也許生怕沒人理, 使我甘願一直被騙。那笑容...擠得很緊, 那些淚...吞得鼻子很酸...

我為甚要故作堅強? 我又怕誰的白眼與嘲笑? 我裝甚麼? 我何不軟弱地擁著你放聲痛哭一場?

然而...我們認識了嗎? 我該往哪裡找你? 你是怎樣的? 我的你何時才被我遇上? 好讓我預早裝扮一下...算了! 不要再胡鬧, 還是安份地偷生在這不被人看見的角落吧!

誰都不讓我揀, 那我該慶幸他揀了我嗎?......當上了我該當上的位置,......成為了人認為我應成為的角色.......

那笑容......在哪?

Mon, 03 Jul 2006 02:31 EST

確實...不美的人才會經常自我盛讚...「我多美!」, 我外不美, 內也不美! (首次承認這不爭的事實),

偏愛翻看自己的照片,

為的...看來盡是自戀, 其實為的是那個笑容。

快樂就是美。

能夠一直活在那照片中...多好! 它鎖住了那快樂, 留住了那一閃而逝的笑容。

看這鏡中人, 那空洞深沉的眉目, 那令人生厭的歲月愁痕..., 就不由得我不愛那些照片......

讓我騙自己騙到最後...

Mon, 03 Jul 2006 02:20 EST

若消失能換自由, 若離去沒有悲愁。

今天既能擁有, 他朝也得接受。

安份,...故此從沒想過找尋出囗,

知足,...唯獨這空間願將我收留,

甘心,...只因你從邊緣將我挽救,

等待,...你總會有需要我的時候,

盼望,...那管無從知曉要等多久,

堅守,...即使難逃宿命把我趕走,

依然相信,...因為你令我學懂重新站起來。

仍然等待,...因為我不信你會把我推下去。

縱使我已把結局看透, 就讓我騙自己騙到最後。

低處未算低...

Mon, 03 Jul 2006 02:13 EST

我以為這段時間的我已經在谷底, 情绪已經彷彷彿彿, 身體那些毛病又趁機冒出來, 我本著那個信念, 一直支撐著這活死人的驅體, 不要被它們拖垮, 我一直堅持、忍耐, 那個他曾說過他相信我定能做到。我信、我懂、我能....我能不能? 還未來得及處理自己那情緒, 那些......還未盤算好, 那驅殼......還未安頓...

給我安静好嗎? 我縱有惻隱 , 縱有孝義, 縱有尊卑、憐怋也好, 我其實並不是那麼能幹, 我把事情擔起來, 誰又把我撐下去? 我累, 我真的很累。然而...我終歸又逞強..., 為的只是我不要被拖垮。靜下來, 缺堤了, 我要崩潰, 只想喘一口氣。有點...「屋灟兼逢連夜雨」...然而那個信念...把我留住了。