網誌
2008年10月31日 上午10點19分54秒家有喜事
哈哈~~~昨日係我屋企嘅大日子啊~~~我堂哥Bobby結婚呢
我昨日早上11:00就去到四叔屋企~~~啱啱開始斟茶啊...
熱鬧完一輪就落街飲茶~~~屋企人食Lunch吹水啦.
下午新人去香港公園影外景~~~我Join埋趁熱鬧啊~~~我依家先知原來我好鍾意結婚....Party
傍晚响銅鑼灣怡東酒店3/F海景廳擺20圍~~~場面都好熱鬧啊~~~我就同親戚朋友影相食飯...
我部數碼相機影到又冇電又爆Memory...聽阿姍講返原來一塊電係唔夠用足一日...
今日成日响屋企Uload相~~~歡迎各位去小弟Face Book睇相:
打albertchoytl@hotmail.com就搵到我啦.
2008年10月28日 下午3點17分08秒做到甩肺
我呢兩日做到隻屜咁啊~~~因為阿能俾公司徵召咗去灣仔分域碼頭揸槍兩日,華姐昨日又放假,結果我個組合就係拍阿燐同埋大長金~~~唉~~~總之一句就係行到腳軟,做到一隻積咁:-(
27 October,2008 (Monday)
大長金第一日做車場,我一開場就帶大長金落車場,仲寫埋張貓紙俾佢認住老闆車啦,佢勉強過關啦,點知走咗個坐駱完8/F嘅物業部高級經理John Wong入車~~~當時我响大堂擺陣,大長金打上來我一聽個車牌已經知道咩事...即刻叫佢泊落B2 11號車位啦...跟住John Wong梗係同樓主講啦...就係咁樣我昨日朝打打下鐘要返來招呼樓主同埋工程部大佬行足成朝:-(
中午頂完阿燐同大長金食飯我先開飯~~~1:00行去大家樂...冇位...返去物地臣街富記食燒肉雞飯啦..
下午以為抖抖啦,又到鍾Sir打來話要响22/F同埋23/F男廁,女廁加簽簿~~~到阿燐打打下鐘要返來幫手,我仲要出去買釣返來掛簿~~~都算啦,本來夜更阿龍6:30返來頂我收早,又走咗個大力水手來搵我~~~唉~~~我7:30先收工啊:-(
28 October,2008(Tuesday)
今朝瞓過龍啊...5:20起身,落到車站頭班969爆到七彩,我唔想罰企就搭遲一班啦~~~等5分鐘就有位坐,最開心係去到銅鑼灣仲跟返頭車一齊到~~~唔使遲到啦:-)
今日華姐返來~~~大長金做返大堂啊...一開更我就打鐘兼開熱水爐~~~我上午可能要招呼鍾Sir嘛...搞掂就嘆返個早餐先擺陣~~~車厘子放完病假返來啦,個人癡癡呆呆咁~~~小心身體啊..
鍾Sir上午冇到~~~係就係舒服多少,不過又整單PCPD消防組去車場泵房整泵~~上次試呢壇嘢放水就漏水滴到人地部車搞到要賠洗車費,我今次一來就通知車主駛走部車先好開工啊~~~幾大卸走個鑊先啦...
大長金落車場頂華姐食飯時我都食飯~~~叫芝士免治牛肉飯盒啦...等兩個千金小姐食完飯簽完簿我1:45先放飯~~~午睡啊:-P瞓咗半個鐘要跟2N入場~~~都好啦...鍾Sir來訪~~~我個名牌就來甩色啊~~公司幫我Renew啦
下午得閒同阿姍傾電話~~~原來我同ETT改咗唔少花名啊...呵呵:-)
2008年10月26日 下午1點50分10秒寓工作於休息
今日又係星期日返工啊~~~不過仲Hea過上星期日呢:-p
朝早5:40落街見到架969經過~~~頭車早咗2分鐘到啊~~~等下一班車要20分鐘...好在都趕得切7:00返到公司啦.
開完更就出去大家樂食早餐~~~今日食餐肉炒蛋同蕃茄通粉...嘆完早餐買份東方返公司睇~~~呵呵~~~上午冇嘢做,同阿燐睇報紙吹水:-)10:35去打鐘順便換Lift Lobby按掣膠紙啦~~~點知換換下冇膠紙:-(...遲D再搞過...
中午本應1:00去食飯嘅,點知有個職員要上12/F搬返一大堆書走~~~我要上樓睇住佢搬,仲要招呼埋佢上貨車走,一搞就搞到2:25:-(阿能返來攞衫~~~我等埋佢返來先去食嘢~~~啱啱好3:15先食下午茶:-)
原來公司對面新英記一D都唔平~~~星期六,日,公眾假期冇茶餐,一碟馬來貴刁要42蚊~~~仲貴過上次..好在都幾大碟啫...
食完下午茶出去行一個圈先返公司~~~阿燐4:30去巡樓我就同阿麵傾電話:-p巡完返來就兩條友吹水等收工~~~呵呵~~~今晚阿龍又係遲到~~~Paul同公司反映咗~~~唔好成日要我留堂吧..
2008年10月25日 下午2點23分50秒假期綜合症候群
哈哈~~~話咁怏就放完兩日假,今日又要晨早五點幾起身返工啊...諗返起貓貓嘅冬天金句:天未光就返工,天黑齊仲未收工...呵呵...依家又開始呢個生活模式呢:-p
今日係星期六,早上唔使上去開熱水爐,又唔使擺陣,我同兩個老拍檔(阿能,華姐)都嚟返個嘆板..華姐想食粥粥~~我趁出去食早餐就行過鵝頸橋街市幫華姐買艇仔粥多花生走牛肉啦:-)買完粥俾華姐我再去大家樂食早餐~~~南冰魚柳炒蛋拚蕃茄通粉同熱華田...嘆完早餐先返公司.
早上都好悠啊~~~今日淨係得17/F換走廊地毯同埋外牆換新Banner兩單工程~~~一個早上就搞掂啦:-)
中午12:10去食Lunch~~~又係去大家樂啊...今日食得好健康啊:馬啼肉餅蒸飯~~~食完飯返公司午睡返半個鐘:-p阿姍打來吹水~~~哈哈~~~有人今日放假啊,晚上去拍拖~~~大個女應該嘅...
下午繼續好似放假咁~~~2:15落完大堂閘,華姐收車場檔返上來就叫我入去休息~~~再瞓返半個鐘先去巡樓~~~呵呵~~~巡完樓4:00返來到華姐去休息~~~鍾Sir打來話阿能下星期一同二返唔到~~~咁搵返邊個來啊?5:30我想擺低張門咭~~~咦,仲有一張門咭呢?我同華姐都搵唔到就打俾阿能~~~阿能食食下嘢即刻跑返來搵~~~一度以為又唔見咗!(阿能八月底唔小心整唔見過一張啊,累公司賠咗1,000蚊啊)我諗:有冇咁黑仔啊??好在阿能响休息房埋垃圾袋度搵返張咭~~~虛驚一場:-p
今晚收工~~~多謝夜更許氏兄弟好介紹啊~~~兩個阿許齊齊遲到...我焗住等到7:30先有阿龍返來接更,阿Paul要7:40先返來...阿Paul話要阿龍明晚6:30返來接我~~~但願吧:-)
2008年10月24日 上午4點28分57秒開心假期
2008.10.23
呢兩日我放假啊:-)昨日係例假,今日係補返月頭放少咗一日啦:-)
前晚按慣例上網上到12:00先沖涼瞓覺~~~
同阿麵MSN嘅感覺係要好小心講嘢~~~忠言逆耳嘛,阿麵成日話佢男朋友的前女友响Space唱衰佢,我睇晒人哋成個Space嘅感覺係那位女主角同我自己故事相近...曾經真心相愛過一個人,要分手之後梗係會有可惜啦,唔通用愛情當遊戲一場咩?而且女主角嘅遭遇係男朋友變心,唔通仲要大方到恭喜人哋,祝人哋早定佳期啊?不過時間係可以沖淡一D事情嘅,在於阿麵又好,那位女主角都好,過一排適應到事實嘅轉變就一切會好啦:-)
昨日早上响屋企Hea下~~~中午就返咗ETT辣更~~~哈哈~~~昨日公司真係有人來辣更啊,我就純粹係約咗親戚响附近就到此一遊啦:-)
4:30去跑馬地探四叔~~~等埋四叔6:00收工就上四叔屋企坐~~~我俾狗兇啊..話說我堂大佬Bobby養咗隻史納莎犬 "小吉",佢好少見我覺得陌生,我一入屋就吠我同怒睥我~~~後來熟落咗就走來同我揸爬:-p所以我一直都話狗係好有靈性,仲要係人類最忠心嘅朋友啊:-)
晚上去皇仁書院舊生會食飯~~~呢次係家族聚會啊~~~同場加演參觀老人院~~~因為姑姐响老人院做,佢又唔識行去食飯地點,我同媽咪,四叔,靚家姐就一齊去接姑姐收工,順便參觀啦:-)
講返呢餐飯真係好正啊,菜式都算幾豪:松露菌雞湯,炸子雞,袖皮鵝掌,蘭花斑片...不過都煮得好清,同埋場地環境好樸實,啱晒我哋一家17口食飯嘅親情Feel啦:-)
2008.10.24
今日瞓到10:30先起身~~~都好似唔多夠瞓啊:-p食返昨晚打包嘅炒麵做早餐,寫Blog同Upload相...當然有上MSN同QQ啦:-)
下午響屋企Hea~~~到3:50覺得手軟腳軟先醒起自己冇食Lunch啊~~~落街飲下午茶啦...順便去銀行搞MPF~~埋櫃台先發覺唔記得帶電話~~~我今日Hea到傻咗:-p
下午茶係去椰林閣食焗西班牙茄子意醬意粉~~~幾好食啊,係份量少D啦...
返屋企收到恆生銀行電話~~~我提供俾銀行轉落來續供嘅MPF戶口係已經離職...我離職!?佢再幫我Check啦~~公司報我响22-10-2008離職..即係前日!?!?我打俾鍾Sir問~~~佢叫我問人事部~~~原來係公司跟母公司做法轉咗去AIG,之前响恆生嘅就會Stop咗...嘿...嚇親飽...