http://hk.zorpia.com/HappyAlbert Thu, 10 Dec 2009 15:27 EST Thu, 10 Dec 2009 15:27 EST Zorpia.com http://hk.zorpia.com/HappyAlbert/journal/1872460 話咁快2009年又過了12日...真係光陰似箭啊.. 過去呢排(呢一兩個月啦)我都係返工返到傻了..升了做ETT保安主管算係工作上一個新階段啦,點知遇啱個癡呆樓主,話佢唔好又唔至於真係咁差,佢就硬係貪生怕死,成日自以為是,唔肯虛心學習同唔識人情世固,日常工作的煩瑣雜務就落响我身上...做多D學多D係好啊,最弊好心唔得好報呢..做得OK就冇人知,一個唔好彩有鑊氣就咩都卸落我同幾個拍檔度..唉..我都做到心淡啊..如果唔係念在幾個同事同班承辦商合作愉快我真係唔返呢個場啊.. 工作就搞出個病來...今個月本身8日例假,一面心想話放5日剩返3日收O.T.啦,點知就整兩日病假出來...想返都唔得啦,喉嚨痛到出唔到聲.仲有鼻塞同鼻水,返去咪棧得個辛苦...昨日一個唔好彩有同事病逝,一單突發事件就搞到ETT天翻地覆,我後日放完病假仲有返總公司見主管...唉...報又話好報唔報,唔報又話我們遇事不報,咁點先為知係啱啊??I don't Know??? 感情事...唉...去年尋尋覓覓兜兜轉轉拍咗3個女仔..以為臨尾可以遇到個OK啦..點知就幾乎做咗笑柄...女方成家人都接受到我(我都未試過一放假就返女家同成家人一齊出出入入,幫手揍小朋友同辦貨啊),最後都係個女仔過唔到自己關口...我都無謂勉強吧,費事白費心機得個吉啊...談情說愛呢家嘢也許唔多適合我吧...你愛人人地未必愛你,愛你又可能變成害你;以為患難見真情,點知最後都係激烈分手...年紀大的唔啱就搵個年紀細啦,又整個程咬金出來仲差D戴綠帽~~~唉~~~真係大整蠱啊! 2009~~~我但求工作順利,身體健康就萬事大吉啦,至於感情事~~~有同冇我都唔在乎了. 南無阿彌陀佛~~~ Personal http://hk.zorpia.com/HappyAlbert/journal/1872460 Mon, 12 Jan 2009 08:41 EST http://hk.zorpia.com/HappyAlbert/journal/1860897 我呢幾日雖然面對失戀,不過出奇地好開心啊...冇錯,原來失戀可以係好開心嘅一件事(當然我唔希望再失戀啦~~~哈哈),因為我身邊幾個好朋友實在俾到我太多了. 星期一我照常返工...當時心情當然唔好啦,一返公司就即刻衝上去巡樓,巡完樓早餐都冇心機食,淨係食兩個雞尾包...生哥同清潔阿姐睇得出我唔開心,當然我冇講係為咩事唔開心啦. 巡兩次樓,上MSN就係過去三日嘅生活寫照~~~星期一晚多謝夜更甩轆俾我响公司Stay多三個鐘(Toby話唔知點樣開返O.T.俾我啊)..我收工打俾乖女傾偈~~~佢都估唔到我咁夜先收工.. 星期二心情有D好轉~~~多謝大學同學阿Min:-)~~~呵呵~~~星期一同我傾咗成個下午MSN,星期二收工轉登等我兩個鐘頭陪我食飯傾偈(响SOGO門口等阿Min時巧遇我堂家姐Anna)...本來係阿Min開解我,到見面時就係大家好開心咁Sharing~~~咁咪好囉,我明白到愛情唔係生活嘅全部,其實有D好朋友對我仲好過女朋友啊...仲有Sandy啊~~~雖然我同Sandy識咗咁多年都未正式見過面,不過Sandy响MSN講得好啱:車厘子呢單嘢可能係我太偏激,未必真係佢一腳踏兩船嘅,又或者人哋想睇定D,我一下子咁樣要人揀人哋咪索性唔揀囉..不過Anyway,唔揀都揀咗,唔決定都決定咗就乜都唔好諗啦,好好地過去每一日啦..或者可以咁講:如果咁輕易可以放得低車厘子嘅,其實我對佢都唔係真愛得咁交關啫. 昨日..基本上我心態都正常返70%啦...係朝早巡完樓食早餐時有Feel到聽咗千嬅嘅小城大事同我的生存之道~~~呢兩首歌對我都好有感慨啊,話說我前幾年响大陸回流時Hit緊小城大事,咁啱就係嗰年同貓貓拍拖仲要遇到唔少大起大落,我一Down就會聽呢首歌呻下...我的生存之道係貓貓介紹我聽嘅,歌詞寫得好啱:事業還望發展,仍能活著未曾靠諾言...我依家最大心願係做好ETT個場,吸收經驗為將來鋪路啊...昨日上午好清閒,有條傻佬响Lobby唱國歌玩升旗就真係升咗個阿Sir上來Check保安員證~~~哈哈~~~中午去大家樂食完鹽焗雞飯都仲唔飽,等生哥食完飯返來我再去M記食麥樂雞(我係可以餐餐食雞啊)..點知食完嘢返來就做到隻積咁...嘿嘿...昨晚乖女陪我食飯傾偈~~~多謝你啊:-) 今日一覺醒來,窗外溫暖嘅陽光將12月嘅冰冷驅走了,阿女嘅笑聲滋潤咗我嘅心靈(仲甜過昨晚碗紅毛丹西米露啊)...我呢一刻相信友情係珍貴過愛情嘅!! 大家都要知道:情人可能有一日會離開你,不過朋友係可以到永遠啊.. Personal http://hk.zorpia.com/HappyAlbert/journal/1860897 Thu, 04 Dec 2008 00:22 EST http://hk.zorpia.com/HappyAlbert/journal/1859911 今日本來係好開心嘅星期日..雖然無端端叫咗我去PCCW運動會罰企咗一日企到腳都軟埋,不過諗到收工可以同Cherry去街都當補返數啦,點知就係放工先知賴嘢!! 今日有4個同事去企:我,阿能,駱克機樓I.C.阿豪同Cherry,安排係阿能同阿豪收5:00,我同Cherry收6:00..當我6:10換完衫同Cherry出門口時仲見到阿豪响度等Cherry收工...我即刻諗返起昨日阿豪打來ETT叫我唔好煩住Cherry單嘢..喂,我放假同Cherry飲嘢有乜問題?使唔使得到佢批准?? 講返今晚走人,因為我哋要返公司攞下個月更表同埋還返對講機就係一齊返去啦,阿豪同Cherry兩個行到貼晒身有傾有講(差在未拖手同咀埋啫),我就孤零零捧住箱對講機同Cherry對鞋行...我睇到眼冤兼火滾,於是俾返箱嘢俾阿豪:你幫我拎返公司啦,我走先啦!!我攞埋車厘子袋鞋走咗去,佢哋追返上來,為嘅只係一對鞋!?我行遠多少再打俾Cherry質問佢:你依家當我死啊?淨係同佢講嘢得啦!Cherry仲想當冇嘢..我直頭鏟佢啊:你當我傻定白痴啊?明眼人都知你哋搞乜鬼啦!使唔使見到你哋咀埋先知咩事啊?我係好嬲人玩弄我感情啊!我就係問佢:你依家揀要對鞋定要我!?佢話:遲D俾答案我..我唔要拖啊,我話:我要你即刻俾答案!!你想玩到我幾時!?!?!?佢話:對鞋我唔要啦...我叫佢:你即刻同我死出來公司樓下見我!!! 我去到見到佢哋响度,我首先鏟阿豪:我咁大個仔未試過俾人話我煩住女人啊!我放假同邊個飲嘢係我私人事佢冇權過問..我要佢同我道歉,以後唔准干涉我嘅私人嘢同埋攞我同車厘子來講;亦都當面攤佢牌:我由2008年11月30號18:25分開始唔再認識呢位小姐!我警告佢以後都唔准再SMS騷擾我!我呢世都唔會原諒佢玩弄我感情啊!! Personal http://hk.zorpia.com/HappyAlbert/journal/1859911 Sun, 30 Nov 2008 08:46 EST http://hk.zorpia.com/HappyAlbert/journal/1859286 過去十幾日唔係返工攰到傻就係拍拖要加班,到休息日都唔知夠時間瞓定係夠時間食,電腦又無端端上唔到網,所以到今日先可以寫返Blog~~~唉... 呢排我最Hit嘅動向莫過於去學槍了...話說我星期一中午好平常去食Lunch,一返來拍檔生哥話:Toby打來搵你啊,你覆電話啦...咁我覆電話睇下咩吩咐啦~~~Albert,曾Sir安排你去學槍...下!?!?學槍!?!?我有冇聽錯啊?千真萬確啊...仲要係一連四日返長沙灣公司總部學...咁ETT點啊?Toby話佢會度掂... 星期二早上我抱住不知所措嘅心情返公司訓練學校~~~原來仲有幾個師兄都係俾人踢咗上轎要返來學槍...9:15入課室啦,一班8個同學,有一個係退伍武警,一個係紀部隊出身嘅,另外幾個就好似我咁做保安啦...導師係呂Sir~~~上年做勵敬已經識啦:-)响課室坐咗成朝阿Sir都未來~~~我拎部電腦落街搵地方上網E返相俾樓主(我上個週末跟ETT工程影咗相要俾返樓主報告吧)搞掂返上來先見到呂Sir出現~~~佢話我可以响課室上Wi-Fi交相唔使走來走去~~~唔好咁誇張吧? Hea咗半日下午終於來料了...我學用嘅係美國雷明登870型手泵推動式入彈獵槍,槍全長40.5吋,未裝子彈槍重係6.5磅;槍管長20吋,光滑槍管冇來福線,子彈管可以容納4發子彈,連同槍管可以裝一發子彈總共可以上5發子彈;所用嘅子彈係公司9號彈(鳥彈)12機柱18mm(1機柱係指一磅鉛球直徑,12機柱係指一磅鉛球分為12等份,一等份係18mm),子彈長2又4分3吋,重1又8分1安士,最遠射程係160碼(146.3米),有殺傷力射程係60碼,危險射程係40碼.子彈發射會向周圍擴散,每10米擴散1呎,即係10米就擴散1呎,20米就擴散2呎...(我依家對咗支槍幾日就梗係背到出來啦,想當時真係唔知講乜)...星期二同星期三都係响學校學洗槍(每次卸彈及交收槍械後都必須檢查槍枝以確保沒有子彈),上彈,退彈及模擬射擊...感覺就好似小朋友玩水槍咁冇乜特別,但係昨日去過槍會燒槍後就完全唔同了... 昨日呂Sir同公司槍房主管Mr.Thapa安排我們去荃灣大帽山嘅香港槍會做實彈射擊練習,8個同學分為兩組,跟返考試模式總共射6發子彈,兩發係試射4發來來真嘅...我安排係第二組,見同學射槍(嘭)一聲都仲唔多覺咩事,到自己企埋位,細心聽呂Sir命令:戴眼鏡耳筒..攞起支槍,洗槍入2發子彈..仲未緊張,Load and ready..(咔咔)聲上彈就意識到咩事啦..用自己時間發射..Check保險掣,上膊,瞇起左眼從後瞄準星望上前瞄準星,右手食指開保險掣,發射(嘭)!嘩...乜真係咁堅啊?個人係感覺到槍柄緩衝膠傳來嘅後座力將個人推了一下,呢一聲就算隔住耳筒都聽得好響(如果冇耳筒肯定震耳欲聾),仲嗅到火藥味啊..我咁大個仔第一次開槍啊~~~本來之前仲有尿意嘅都嚇到冇了..試完2發休息一陣又來過...呢鋪射4發啊..射第一槍個心係卜卜跳,深呼吸再射第二槍時個心就壁卜壁卜跳,又深呼吸再來第三槍..响度諗:幾時射完啊?)到射完第四槍就可以放鬆心情洗槍啦...嘿嘿... 練完槍下午得閒就返ETT行個圈~~~著住公司套獵裝真係唔多自然,因為套衫好似軍人咁款啊,真係想嚇鬼咩?都係換返套西裝好D啊...呵呵... Personal http://hk.zorpia.com/HappyAlbert/journal/1859286 Fri, 28 Nov 2008 01:28 EST http://hk.zorpia.com/HappyAlbert/journal/1854150 今日仲係放假~~~孖Day多好啊:-) 昨晚同阿姍傾咗三個幾鐘頭電話,成兩點鐘先瞓~~~老友有心事,我一定會幫手分擔呢. 今朝10:00起身~~~凍到我傻啊沖返個熱水涼先,唔食早餐啦,中午去飲茶啦. 同媽咪去元朗大榮華酒樓飲茶~~~叫飯食啊~~~係就係大碟啦,不過味道一般...旨在過茶癮啫..飲完茶媽咪要去買水果,我就行街~~~昨日買嘅證件套大咗D,用來放保安員證就啱...今日想話搵間文具店買套啦,响元朗左行右行結果去大馬路光明書局先買到~~~我N咁耐冇去過嗰頭啊,上一次去應該係今年4月某個夜晚去揍隻貓(我前女友)返天水圍吧.. 買完嘢返屋企上網~~~幫車厘子搵相做手機Wall paper...我搵夠31張,有夜景有車相,夠車厘子由1號換到31號天天新款啦~~~哈哈~~~不過男朋友就淨係我一個好啦! Hea到5:30落街攞返昨日拎去曬嘅Bobby結婚相~~都影得唔錯啦..返來睇一陣新聞就打俾車厘子~~可憐啊!伊人病到幾乎失聲啊:-(梗係啦,車厘子份工雖然時間唔太長,不過要對住電腦工作係好傷神啊,再加上呢排天氣好寒,一早一夜真係好容易僎攝親啊..車厘子俾心機工作啦,遲D夾到大家一齊放假我帶你去飲茶,揼骨,浸腳,食自助餐啦:-) Personal http://hk.zorpia.com/HappyAlbert/journal/1854150 Tue, 11 Nov 2008 08:23 EST http://hk.zorpia.com/HappyAlbert/journal/1853872 好耐冇試過星期一放假啊~~~仲要係放孖Day呢:-D真係開心到傻啊! 昨晚返來上網Send返前晚打邊爐D相俾阿姍同Maggie,跟住睇埋Face Book先沖涼瞓覺~~~差唔多2:00先瞓,點知5:10準時凍醒:-(好在記得今日放假,搵返張棉被蓋就繼續大覺瞓:-P 10:30先起身~~~唔使食早餐啦,上網寫返昨日嘅blog就食Lunch~~~中午發生件好開心嘅事:車厘子打來傾偈~~~講返昨晚發生嘅事...正常情侶做嘅嘢啫:-)車厘子覺得好Suprise~~~你接受我呢份Suprise就好啦,我哋開開心心响埋一齊,夾啱時間放假就一齊去街啦:-P 傾完電話坐一陣就落街飲下午茶:-)飲完下午茶就去嘉湖銀座行街~~~Shopping嘅戰利品係:證件套...呵呵...買個套都要行幾條街先搵到. 傍晚6:35打俾車厘子傾電話~~~車厘子仲未好返晒啊,最緊要著夠衫啊,因為我最擔心女朋友唔夠暖同唔夠飽嘛...我想搵次同車厘放假去酒店High Tea,要食藍莓芝士蛋糕,車厘子話我引佢~~~等車厘子好返就真係Plan呢次Trip啊. Personal http://hk.zorpia.com/HappyAlbert/journal/1853872 Mon, 10 Nov 2008 09:49 EST http://hk.zorpia.com/HappyAlbert/journal/1853737 開心週末 啱先兩日週末雖然工作都幾忙,不過就好開心~~~有得擦餐飽啊:-P Saturday , 8 November,2008 前日返工主要任務係招呼3/F同8/F檢查吊機...阿能放假公司派咗個替假過來擺一日貨仔...好在呢位兄台都肯幫下手,早上一齊收返地毯,坐响大堂都幾精神,我可以安心上樓跟柯打啦.. 本來預期半日搞掂Check吊機就下午可以Hea下...點知一搞就係做足一日..朝九晚五,我响3/F同8/F睇公證行職員吊磚試機睇足一日...咁都好,學到專業知識嘛...同樓主交代都講得充分D啦:-) 吊機收完檔我仲要去巡樓~~~前日我巡兩次啊..因為個替假來一日半日一定唔會巡,華姐又唔多熟悉我情願佢响大堂好過啦...阿Paul早咗返來我就早少少走~~~約咗龍門居打邊爐啊. 前晚5個人(我,KK,黃興,周晶晶同阿姍)响友愛酒樓打邊爐~~~我一坐低就隊啤:-P晶晶換咗部Samsung最新出嘅女仔機L708~~~阿姍幫手Set機,我兩部機俾阿姍幫手過歌~~~一時間變咗手機大集會:-)呢餐邊爐每位68蚊任飲任食~~~我哋叫咗好多牛牛啊,丸丸啊,瓜瓜菜菜啊,粉腸啊,魚蝦蟹啊~~~哈哈~~~我就隊咗四罐啤酒:-P~~~到埋單嗰陣阿姍問我有冇醉?我仲行到條直線啊:-D其實我就真係啤啤夫啊...好在阿姍順路送我返屋企樓下啦:-) Sunday , 9 November,2008 好在仲識準時返工~~~要做發電機大檢啊...我拍梁智蓮同埋阿燐...一早就叫蓮姐上去巡樓:-)AC POWER一早就過來開場~~~今次做機樓,唔使保安跟埋上樓...我同阿燐,蓮姐夾手夾腳換過幾部升降機嘅按掣膠紙~~~因為要用松節水省乾淨舊膠紙跡嘛...下午得閒又見肚餓就叫下午茶返來食:-)年檢一做就係一日~~~AC POWER收完隊我就準備交更...夜更阿龍6:15打返來話仲响深圳未過關??仲以為如果阿能响度或者今晚拍阿Paul可以鬆章...你成日咁搵人老襯我梗係唔肯啦,我叫佢盡快返來,跟手打返公司講啊!!因為昨晚阿Paul放假擺個新人落來一定要阿龍帶佢做嘢嘛...結果個新人就7:10返來,我放蓮姐走先,我就等埋阿龍啦~~~7:50先返到啊:-(我索性出去大家樂食埋飯先返屋企~~~大家樂夜晚幾乎枱枱都係打邊爐~~~變咗火鍋餐廳:-) Personal http://hk.zorpia.com/HappyAlbert/journal/1853737 Mon, 10 Nov 2008 02:38 EST http://hk.zorpia.com/HappyAlbert/journal/1852754 我聽咗呢首歌十幾年都冇乜特別感覺,經過呢幾日工作之後就完全明白晒啦.. 話說星期一嗰日我都算忙啦,跟住星期二冇乜嘢跟總算可以抖返一下吧,前日其實都冇話特別忙,只係鍾Sir放大假,加上出糧發覺錯數麻煩多少咁啦..我本來疊埋心水下星期孖Day返廣州呢次唔使去啦..要追糧嘛. 昨日就甘啦..下午拆車B1條渠檢查點解車場廁所塞...又係個死症:要21樓個外國人開走架車先,唔係盞又爆鑊..我由前晚同佢公司個經理講,到昨日由朝頭早9:00同佢公司聯絡,到中午我打過電話俾佢,阿能又上過去搵佢,到下午2:00師傅來到都係冇開到架車走... 呢個關頭焗住搵蘇樓主幫手啦~~~好典型結果:車主搵人開走架車,個客打橫講詐樓主型,樓主打返來鬧咗阿能一餐...我有D心痛阿能食死貓,不過呢個係現實都要面對啦.. 最頂癮係拆完條渠搞完一大輪都發覺條渠冇塞...師傅拆開座廁先知道係有枝花灑柄响度??唉... 仲有單驚險事件係我幾乎唔見咗張門咭同個職員證...話說昨日有班傢俬佬送貨上12/F,阿能就梗係叫佢哋要清返紙皮啦,點知班契弟裝完傢俬就咁走咗去,到下午清潔阿姐上去打掃見到就打落來講...我响車場跟跟下整渠即刻上去睇啦~~~居然成埋紙皮就咁扔响LOBBY???唯有即刻清走佢啦...搬完紙皮落返車場無意中發現個證件套得個吉??咁個職員證同門咭呢???我即刻返上12/F同貨Lift搵啦~~~都冇...再返上大堂搵~~~一樣冇...唔係咁黑仔到我唔見1000蚊吧?清潔阿姐幫手搵返嗰埋紙皮~~~搵返張咭啦..真係嚇餐死...抵請阿姐食飯啦.. Personal http://hk.zorpia.com/HappyAlbert/journal/1852754 Thu, 06 Nov 2008 22:53 EST http://hk.zorpia.com/HappyAlbert/journal/1851599 今日簡直係11.3勞動節啊~~~雖然話我今年5.1勞動節同隻貓分手啫(我幾個老死就知道我為咗呢件事傷心咗半年啊),都唔使夾埋同我做節啩?仲要係做餐飽嗰隻.. 一早搭車返工已經上啱班爆棚車,企足40分鐘先有位坐:-(返到ETT一來就整單壞Lift~~無他嘅,早上壇人流管制排隊排到出門口啦...昨日樓主房部蒸餾水機漏水搞到成房地毯濕晒,今朝仲發覺連電插座都跳掣...收唔到FAX啊...報完俾設施部就等電工過來搞... 中午清潔部洗樓主房地毯~~~好在阿能幫手搬水機,我都要幫手 搬8桶水同埋雜物出來啊...幫完呢堆嘢有電工過來整返電掣~~~我順手試下部水機~~漏電啊...呢部古董水機好騎呢,正常嘅水機係就咁吸桶水落去個膠栓度就得,但係呢部機個水桶位冇條膠栓,要先戮穿水桶個膠塞再放落去...依家一個唔該漏電冇得出熱水都係時候Upgrade吧... 下午整完部水機就到FAX機壞...話說有返電之後都仲係收唔到Fax???呢部FAX機係ETT另一古董~~~用感熱紙嘅Fax機...我睇過係收收下FAX時Jam紙~~~左整右搞都舞佢唔掂就索性上去巡樓...行到10/F遇到HelpDesk靚女Ivy呻咗兩句~~~轉頭返來見到Eva拎過第二部FAX機落來...呢部用A4紙嘅就似返D樣嘛...Eva話:Albert,你地部舊機打咗柴,依家用呢部新機,我地決定唔要部舊機,你下次見到樓主過來就同佢講返,搵清潔部處決咗部舊機佢...早應該啦...不過都仲係收唔到FAX啊~~~正當以為係我地fax線有問題時,部機又收到FAX啊~~~咁即係Helpdesk條線有事啦..我就唔慌唔俾呢堆機搞到癡線啊:-( 搞完機仲有搞作啊~~~承辦商送咗6支新嘅拉帶柱來~~~我拆開包裝巳報紙同埋試下好唔好用~~~搞掂就差唔多收工... Personal http://hk.zorpia.com/HappyAlbert/journal/1851599 Mon, 03 Nov 2008 09:16 EST http://hk.zorpia.com/HappyAlbert/journal/1851298 又到星期日...星期日嘅Blog係幾難寫,因為個個星期日都應該好悠閒,不過唔可能個個星期日都用同一個Title吧(我自己都好難管理返)...今日就用假期工作天啦... 今朝我好有Feel,响返工路上就想好點樣Hea返一日.. 一開場就去巡視樓層~~~完成職責先啦..7:30去時代廣場對面麥當勞嘆早餐... 係M記新推出嘅脆魚手指早晨全餐~~~幾好食啊:-) 9:30去巡樓順便幫樓主換埋職安健海報~~~淨係整9/F~24.F寫字樓Pantry嘅海報就已經做足成朝~~梗係啦,塊塊板都要用鉗鬆開兩粒大螺絲,我慢慢整就係搞咁耐啊... 11:00去大家樂食Lunch~~~食薄牛扒煎蛋飯,食完飯順便買份東方報公司睇~~~今日擺明休息一日嘛. 下午繼續Hea啊~~~他他條條換埋1/F~8/F機樓嘅職安健海報,阿燐巡完樓返來就買麵包食~~~12/F同事Andrew揸車返來~~~泊落車場B2啦:-)多謝Andrew請我們飲綠茶:-) 食完麵包睇埋份報紙等收工~~~樓主蘇小姐返來探班巧遇"被困FMCC"嘅婷婷~~~希望婷婷早日解放:-)可以再幫蘇小姐手啦:-p Personal http://hk.zorpia.com/HappyAlbert/journal/1851298 Sun, 02 Nov 2008 08:32 EST http://hk.zorpia.com/HappyAlbert/journal/1851015 哈哈~~~話咁快就放完兩日假啊...又要返工囉... 今日係11月1號...一返工就收到昨日阿能交仁嘅MEMO~~~好似好多工作,不過都好輕鬆呢:-) 一個早上就搞掂幾單Order:天台拆棚,檢查吊機(阿能以為係修理吊機門),Office會議室貼水牌,升降機抹油...所以下午好Free啊:-) 華姐話大長金前幾日講做得唔開心唔再過來~~~唔係話乜嘢,如果佢覺得ETT要巡樓或者我要求嚴格唔鍾意來我無所謂,因為ETT係大場,每個人包括我自己都要親力親為工作,唔係好似普通場咁隨便搞掂啊...總之我身為I.C.係問心無愧啦. 今晚返來Check E-Mail~~~好開心啊:-D收到姑丈Ian Marriot,Paul,Andy妹妹Cherrie嘅E-Mail~~仲有幾年冇聯絡嘅中學Miss嘅E-Mail~~~覆信都覆到手軟啊...响呢度我好感謝親朋好友嘅Mail,小弟會同你們保持聯絡:-) Personal http://hk.zorpia.com/HappyAlbert/journal/1851015 Sat, 01 Nov 2008 09:09 EST http://hk.zorpia.com/HappyAlbert/journal/1850659 哈哈~~~昨日係我屋企嘅大日子啊~~~我堂哥Bobby結婚呢 我昨日早上11:00就去到四叔屋企~~~啱啱開始斟茶啊... 熱鬧完一輪就落街飲茶~~~屋企人食Lunch吹水啦. 下午新人去香港公園影外景~~~我Join埋趁熱鬧啊~~~我依家先知原來我好鍾意結婚....Party 傍晚响銅鑼灣怡東酒店3/F海景廳擺20圍~~~場面都好熱鬧啊~~~我就同親戚朋友影相食飯... 我部數碼相機影到又冇電又爆Memory...聽阿姍講返原來一塊電係唔夠用足一日... 今日成日响屋企Uload相~~~歡迎各位去小弟Face Book睇相: 打albertchoytl@hotmail.com就搵到我啦. Personal http://hk.zorpia.com/HappyAlbert/journal/1850659 Fri, 31 Oct 2008 05:19 EST http://hk.zorpia.com/HappyAlbert/journal/1849699 我呢兩日做到隻屜咁啊~~~因為阿能俾公司徵召咗去灣仔分域碼頭揸槍兩日,華姐昨日又放假,結果我個組合就係拍阿燐同埋大長金~~~唉~~~總之一句就係行到腳軟,做到一隻積咁:-( 27 October,2008 (Monday) 大長金第一日做車場,我一開場就帶大長金落車場,仲寫埋張貓紙俾佢認住老闆車啦,佢勉強過關啦,點知走咗個坐駱完8/F嘅物業部高級經理John Wong入車~~~當時我响大堂擺陣,大長金打上來我一聽個車牌已經知道咩事...即刻叫佢泊落B2 11號車位啦...跟住John Wong梗係同樓主講啦...就係咁樣我昨日朝打打下鐘要返來招呼樓主同埋工程部大佬行足成朝:-( 中午頂完阿燐同大長金食飯我先開飯~~~1:00行去大家樂...冇位...返去物地臣街富記食燒肉雞飯啦.. 下午以為抖抖啦,又到鍾Sir打來話要响22/F同埋23/F男廁,女廁加簽簿~~~到阿燐打打下鐘要返來幫手,我仲要出去買釣返來掛簿~~~都算啦,本來夜更阿龍6:30返來頂我收早,又走咗個大力水手來搵我~~~唉~~~我7:30先收工啊:-( 28 October,2008(Tuesday) 今朝瞓過龍啊...5:20起身,落到車站頭班969爆到七彩,我唔想罰企就搭遲一班啦~~~等5分鐘就有位坐,最開心係去到銅鑼灣仲跟返頭車一齊到~~~唔使遲到啦:-) 今日華姐返來~~~大長金做返大堂啊...一開更我就打鐘兼開熱水爐~~~我上午可能要招呼鍾Sir嘛...搞掂就嘆返個早餐先擺陣~~~車厘子放完病假返來啦,個人癡癡呆呆咁~~~小心身體啊.. 鍾Sir上午冇到~~~係就係舒服多少,不過又整單PCPD消防組去車場泵房整泵~~上次試呢壇嘢放水就漏水滴到人地部車搞到要賠洗車費,我今次一來就通知車主駛走部車先好開工啊~~~幾大卸走個鑊先啦... 大長金落車場頂華姐食飯時我都食飯~~~叫芝士免治牛肉飯盒啦...等兩個千金小姐食完飯簽完簿我1:45先放飯~~~午睡啊:-P瞓咗半個鐘要跟2N入場~~~都好啦...鍾Sir來訪~~~我個名牌就來甩色啊~~公司幫我Renew啦 下午得閒同阿姍傾電話~~~原來我同ETT改咗唔少花名啊...呵呵:-) Personal http://hk.zorpia.com/HappyAlbert/journal/1849699 Tue, 28 Oct 2008 10:17 EST http://hk.zorpia.com/HappyAlbert/journal/1849008 今日又係星期日返工啊~~~不過仲Hea過上星期日呢:-p 朝早5:40落街見到架969經過~~~頭車早咗2分鐘到啊~~~等下一班車要20分鐘...好在都趕得切7:00返到公司啦. 開完更就出去大家樂食早餐~~~今日食餐肉炒蛋同蕃茄通粉...嘆完早餐買份東方返公司睇~~~呵呵~~~上午冇嘢做,同阿燐睇報紙吹水:-)10:35去打鐘順便換Lift Lobby按掣膠紙啦~~~點知換換下冇膠紙:-(...遲D再搞過... 中午本應1:00去食飯嘅,點知有個職員要上12/F搬返一大堆書走~~~我要上樓睇住佢搬,仲要招呼埋佢上貨車走,一搞就搞到2:25:-(阿能返來攞衫~~~我等埋佢返來先去食嘢~~~啱啱好3:15先食下午茶:-) 原來公司對面新英記一D都唔平~~~星期六,日,公眾假期冇茶餐,一碟馬來貴刁要42蚊~~~仲貴過上次..好在都幾大碟啫... 食完下午茶出去行一個圈先返公司~~~阿燐4:30去巡樓我就同阿麵傾電話:-p巡完返來就兩條友吹水等收工~~~呵呵~~~今晚阿龍又係遲到~~~Paul同公司反映咗~~~唔好成日要我留堂吧.. Personal http://hk.zorpia.com/HappyAlbert/journal/1849008 Sun, 26 Oct 2008 08:50 EST http://hk.zorpia.com/HappyAlbert/journal/1848746 哈哈~~~話咁怏就放完兩日假,今日又要晨早五點幾起身返工啊...諗返起貓貓嘅冬天金句:天未光就返工,天黑齊仲未收工...呵呵...依家又開始呢個生活模式呢:-p 今日係星期六,早上唔使上去開熱水爐,又唔使擺陣,我同兩個老拍檔(阿能,華姐)都嚟返個嘆板..華姐想食粥粥~~我趁出去食早餐就行過鵝頸橋街市幫華姐買艇仔粥多花生走牛肉啦:-)買完粥俾華姐我再去大家樂食早餐~~~南冰魚柳炒蛋拚蕃茄通粉同熱華田...嘆完早餐先返公司. 早上都好悠啊~~~今日淨係得17/F換走廊地毯同埋外牆換新Banner兩單工程~~~一個早上就搞掂啦:-) 中午12:10去食Lunch~~~又係去大家樂啊...今日食得好健康啊:馬啼肉餅蒸飯~~~食完飯返公司午睡返半個鐘:-p阿姍打來吹水~~~哈哈~~~有人今日放假啊,晚上去拍拖~~~大個女應該嘅... 下午繼續好似放假咁~~~2:15落完大堂閘,華姐收車場檔返上來就叫我入去休息~~~再瞓返半個鐘先去巡樓~~~呵呵~~~巡完樓4:00返來到華姐去休息~~~鍾Sir打來話阿能下星期一同二返唔到~~~咁搵返邊個來啊?5:30我想擺低張門咭~~~咦,仲有一張門咭呢?我同華姐都搵唔到就打俾阿能~~~阿能食食下嘢即刻跑返來搵~~~一度以為又唔見咗!(阿能八月底唔小心整唔見過一張啊,累公司賠咗1,000蚊啊)我諗:有冇咁黑仔啊??好在阿能响休息房埋垃圾袋度搵返張咭~~~虛驚一場:-p 今晚收工~~~多謝夜更許氏兄弟好介紹啊~~~兩個阿許齊齊遲到...我焗住等到7:30先有阿龍返來接更,阿Paul要7:40先返來...阿Paul話要阿龍明晚6:30返來接我~~~但願吧:-) Personal http://hk.zorpia.com/HappyAlbert/journal/1848746 Sat, 25 Oct 2008 09:23 EST