2005年3月28日 下午3點50分00秒

3月27日 痛楚証明存在

苦難的一天, 我得到早上起身好耐冇返終於都返左聖堂...

呢個地方呢, 兩三個月冇返到去... 好似冇乜轉變咁...

是日頸痛依然...

返公司拎左對Roller去, 落到樂富個板場度... 個地盤都未整好...

為免一個人跌死左冇人知, 我等到阿Lock同無名黎先...

著左, 響側邊踩左兩轉, 還好, 還識得踩...

拉親頸, 好痛, 不過patpat落地仲痛!!!
跌左4次之後我覺得我再跌手腕會斷, 所以就冇了...
好開心呀~~ 雖然我連中間個台都上唔到!!!
下次我帶返個護腕再去撻過!!
我一定要玩到U台!! 我下次要跌斷手見紅claim保險!!

不過我見到個哥哥仔仲勁, 佢新碌落地平路都撐下撐下咁,
就來玩u台, 仲著對roller係踩平路的... 拖住個break...
結果佢好絢麗奪目地送死了~ 好彩佢女朋友踩左去另一邊睇唔到!

是日, 好早咁回家吃飯, 飯後頂唔順, 訓左了...

25 瀏覽數 | 發表評論 | 與朋友共享 | 推薦

2005年3月28日 上午7點49分00秒

3月26日 歡迎光臨新都城

返工呆了一天之後, 早早就回家...

結果是8點幾的時候, 得到一個魏小姐唔知去邊好的電話...

一句 : 黎我度囉... 搭93k到總站唶嘛...

結果... 9點幾佢真係黎到...

去左連我平時都唔多去的樓下茶餐廳... 坐左一陣...

我只負責提供預測, 係唔負責提供答案的...

22 瀏覽數 | 發表評論 | 與朋友共享 | 推薦

2005年3月27日 上午7點51分00秒

3月28日 台北團預演@撥著大霧遊新界

今天, 坐步飛的車, 去西貢... car1 有阿細, 我, 步飛, 嘉嘉, 亨 car2有 謝飛, 邱琪, 賤佬同阿紫...

坐在後排中間位, 望住前方的路, 左擁右抱, 成個大佬咁...

嗯... 好風光呀可?? 不過... 今日依然頸痛... 一轉一扭就痛一痛...

西貢今日好大霧, 大到上左個碼頭望唔返個岸, 有種懷疑入左團霧度返唔到出黎的感覺...

響西貢度行黎行去, 都唔似香港地方... 有點兒似...淡水!?

響西貢度搵唔到咩野食, 阿細帶路去左布袋澳食海鮮, 好驚佢貴咁, 結果... 叫到成檯都係, 食極唔晒先一人一舊水埋單~ 仲要都真係好食丫嘛~

晚飯完後, 謝飛邱琪先返屋企, 七人車有七個人坐~ 目的地係, 大尾篤~ 其實唔知去做咩架~ 不過一班人想到去就去~

沿路我地見路口都轉入去~ 闖入左好多豪宅地區~ 又幾次入到無路可走的地方~ 仲有幾次以為撞鬼......

入到大尾篤, 食完宵夜, 仲睇埋大長金... 我地起程回家...

這天, 令我又一次下決心考車牌...

19 瀏覽數 | 發表評論 | 與朋友共享 | 推薦

2005年3月24日 下午9點27分00秒

3月25日 Present...

跟團友們present了行程, 大致上沒人反對...

大致上, 大家也沒有概念就真...

之後去了um.com, 一入門口就想打那個拳靶了...

卻被騙說那個是大型印章模型...

結果, 狂打...

累得手指尾也提不起...

其實是連右手無名指也提不起...

打沙包原來是件很快樂的事...

不用收手打在實體上的快感, 能沖淡不安~

26 瀏覽數 | 發表評論 | 與朋友共享 | 推薦

2005年3月23日 下午2點21分00秒

3月22日 Drawing a pitch black coat

拿起筆，把簿打開。

你的世界就在這裡。你的畫面就在這裡。你的生命就在這裡。

也許會簡陋，也許看不清，也許我只是記下來給自己看。符號。

就在這兒，詮釋了故事，對，因為我喜歡這個故事。

25 瀏覽數 | 發表評論 | 與朋友共享 | 推薦