2005年1月31日 上午3點38分00秒1月30日 Incredibles!//Beyond! UM其中一部份�

1月30日 Incredibles!//Beyond!

UM其中一部份成員, 造福人群之後, 得到一批Incredibles的優先場戲票, 在這先謝過~

阿細晨早call我, 去佢度拎換票証, 於是早餐都冇食就仆出門口... 好趕好趕, 以為佢地冇左我o個幾張coupon就入唔到... 誰知... 佢地原來剩返十幾張... 即係我唔拎我o個8張都得...

戲好睇呀! 壞人超勁講左一個道理 : 當個個人都係超人的時候, 超人就唔特別了~

 不過我又想到, 一個世界, 對居民的強度是有限制的吧... 好複雜添!

＊　＊　＊　＊　＊

在尖沙咀閒逛了一會, 在新港打機, 終於都是忍不住手, 買了一張玩鎗GAME的卡, 因為看來真是很有趣啊~ 不過自己玩好難玩呀~

＊　＊　＊　＊　＊

在宜昌街, 一間叫做地道的餐廳坐下來, 看書, 等魏小姐打完球來...

在對講機上對魏小姐的朋友做了一個廣播... 祝大家在這混沌的世界內找到一個屬於自己的地方~

然後, 魏小姐來了, 靜靜地做功課, 我又靜靜地看書, 直到... 餐廳變身!? 吃完, 不好意思坐下去, 離開了, 四圍去行行行...

我有個壞習慣, 就是一出門口, 想都不想亂行... 而魏小姐就負責... 響我地行左兩個街口之後問我, 我地去緊邊...

買了條褲, 她每見到帽子就會試, 行來行去, 去碼頭乘巴士, 在巴士上期待著看beyond, 在隊道內 3,2,1 跑呀跑呀跑呀, 買塋/閃光棒, 開場了!!

溫習不足... 開場的金屬狂人不懂唱, 還... 出糗了... 噓多左一野...

在慢歌的時候... 還... 睡著... 啞... 而閃光棒... 閃到一半沒電...

第一次看beyond的show, 不能立著看真的很可惜, 因為Beyond的歌是要站一起跳, 一起搖, 一起唱的~

其中一段記得起來的~ 細榮的咪失靈, 他唱的一段, 是住場觀眾代唱的~~~

一天, 就這麼多~ 很快樂的一天~

2005年1月29日 上午3點32分00秒1月29日 少年麻甩復活... 返工無大事...

1月29日 少年麻甩復活...

返工無大事... 放工搵野做... 找到謝飛與賤佬... 少年麻甩的煩惱... 錄音... 入大埔...

入到大埔, 坐左響麥當勞, 等謝飛車到, 繼續看書, 非關少年(All About A Boy)...

去到謝飛家, 看完半集Appertiance, 好似... 唔好睇咁...

謝飛拆巨資買入PSP一部... 很吸引... 不過我還是要嚴守家中不能有遊戲機這關口...

在節目前定好的Topic, 在節目開始後, 只是談近況已經佔了大部份時間... 資訊一點, 資訊一點!!

中場休息, 給錄下了說電話的內容了...

下半場, 依然唔跟rundown, 不過依然好氣氛~~~ 要教少年麻甩什麼的可能還未夠班, 不過, 麻甩仔想知什麼我們還是知道的~

希望下一次, 能夠趕在情人節之前錄到一個情人節特輯吧...

錄完節目後, 找在大埔的亨和失憶, 還有嘉嘉...

在彩虹甜品店, 我們不斷的調戲「池中無魚蝦為大」... 

期間發生了不大不小的一件事... 只想說... 很討厭有人發脾氣時... 亂發到不關事的人身上... 尤其是... 發到我身上...

2005年1月27日 上午8點09分00秒1月28日 調動 忖W開會, 黎緊會多野做...

1月28日 調動

早上開會,

黎緊會多野做... 聽左好耐...

二月, 會死死下...

首先係有人升左, 體育科得返兩個有戰力PA...

即係, 我地兩個, 會做之前有5個PA做的事... 在兩個似乎會出現的新PA上力之前... 硬食...

尤其是歐冠日子... 我要做兩個中文台直播節目... 多野做唔緊要, 我怕忙中有錯... 希望... 小心會冇事...

其次... 我有可能借半個落樓下慧珊... 可能要返埋星期日同一... 即係我星期一到日都要返工!? 咁搞!? 煮到黎就食...

2005年1月27日 上午12點09分00秒1月27日 迷幻 漹�, 聽到自己的聲絰�:

1月27日 迷幻

凌晨, 聽到自己的聲音說: 做乜仲未訓著架...

早上, 沒睡吧? 6點半起身返工...

在canteen買了兩隻糯米雞, 不過唔記得左有冇食過...

睇左場差距好大的比賽, Heat帶好多分, Raptors好表演... 各有各精彩...

我響每一個罰球的時候, 都睡了半分鐘...

＊　＊　＊　＊　＊

神智不清地完成了NBA Game of the week的工作...

超累... 回家... 在93k上面睡了大半個鐘...

回家後不知做錯了什麼... 無睡意...

點幾兩點睡了... 半夜... 發冷和周身骨痛...

2005年1月26日 下午4點10分00秒1月26日 大娛樂家 匱中ㄝ�... 上班.....

1月26日 大娛樂家

食慾不振... 上班... lunchtime神婆搵我放工去睇大娛樂家, 正好, 冇野做左好多日...

放工去了尖沙咀, 票房, 星期三晚都咁滿座喎~!

依然都係得到一個好好笑的詹, 是由頭到腳, 由聲線到眼神都引你笑的...

還有一個好高的梁詠琪, 很努力地追上詹的程度, 當然, 不可能...

其實, 其他沒那麼出名的演員, 都很有個性, 陳立華, 說國語的, 一看就知厲害, 在台上揮灑自如...

陳浩峰, 假音人, 音域闊得, 直到西方極樂... 不過今次佢唔係好多機會表現...

其實, 最喜歡的部份, 是他們捨棄對白, 用外星文演我們常常在電視上看見的連續劇... 記得以前排戲玩過... 筷人筷語又玩過... 下次搞劇要成套都係咁!

劇終, 散場, 神婆得到一個男朋友在門口吹風等~ 於是我識做地分道揚鑣~ 他們... 真係麻到想打人...