網誌
2004年5月31日 下午1點33分00秒由於Zorpia近死的關係..... 我以後的日
由於Zorpia近死的關係.....
我以後的日記可能會搬黎呢度...
睇下點... 因為... 容乜易俾人睇晒我d秘密架~
o個邊o個個??....係bor...都係俾人睇到架bor...
2004年5月27日 上午4點30分00秒總有一日我會試晒以下的...... 灣仔eden
總有一日我會試晒以下的......
灣仔eden 邊食邊睇無敵海景
九龍城金寶 明星食坊
西灣河泰安樓 比0係老廟旺角0巴更好掃街選擇
銅鑼灣近三越那邊的eoz tea time0既雪糕蘋果批係值得一試
油麻地橫綱拉麵 絕對推介0既九洲拉麵
荃灣德華公園附近0既過橋米線
荃灣淮陽酒家0既麵點閣
黃金對面0既豬油渣麵 夠地道，d麵夠入味，加埋辣到流鼻水0既菜寶。
老廟中心0既美多 焗豬扒飯係真係無得頂，原來豬扒係可以咁有肉味同咁好食。
黃埔黃家沙 東坡肉會幾油膩不過食得油0既，會幾enjoy果種大啖肉0既滋味
佐敦喜碼拉雅山會，咖哩唔錯而且價錢合理，最緊要係有尼泊爾0既傳統歌舞睇。
炮台山0既toronto cafe，幾好坐之餘，mocha好飲，同焗薯好好味。
近何文田，培正對面0既七寶齌廚，個粟米粥都幾掂
柴灣泉記，新街市內大排檔，海鮮及小炒都一流，最緊要係佢地飲啤酒係用碗飲0既，而且會雪涷d啤酒碗。
葵芳京川滬，有幾多傳統北方、四川菜，而且有兔仔肉食。
2004年5月25日 上午12點03分34秒以為完左. 其實未完, 5月25日, 繼續返
以為完左. 其實未完, 5月25日, 繼續返早... 體力糧尾... 還好琴日有得早小小訓...
生日都要返工......
其實星期日放過假, 不過下意識覺得, 件野未埋晒齌都唔算...
其實都只係踩左5日... 不過好似好耐咁... 太眼訓喇... 企響度都可以訓到覺... 仲會有夢... 好多人響夢入面出現... 阿媽啦... 阿四... 聖堂班小朋友... 遲下如果可以行緊路都訓得著... 我會夠訓掛...
五月廿五日是個好日子, 因為生日大晒, 因為我知道今日要返工...
朝早ES, 老細A去左食早餐... 結果over... 點解佢地永遠都唔識分配時間既呢... 開會, 坐左兩個鐘... 訓著左3次... 監製訓導主任... 好明顯佢係唔識做人... 冇理由咁揚咁鬧d大既... 開左個鐘會佢用左個半鐘黎鬧人... 講野又一舊一舊...
Lunch之後... 去左足總拎大球場的工作證... 八十個証冇相冇盛... 趁住搭車的時間訓左一陣... 睜不開眼...
返到公司, 終於開多次ES, 埋左AC米蘭件貨, 算係告一段落...
Dinner time搵到呢個Mina陪我, 畢竟生日都仲要一個人食飯太悲哀了...
去IFC搵唔到戲睇, 去左九龍城食野, 金寶的蝦丸真是強!
飯後返工, 太眼訓了...
2004年5月24日 下午8點49分00秒to Ada: 如果好易燒到而且又曮Y細份的
to Ada:
如果好易燒到而且又唔係細份的話...
我估會係本日記, 不過唔中bor...
我又估係塔羅書... 不過你自己又冇牌, 點會想買左好耐呢...
千祈唔好係HelloKitty手巾仔...
唔中??
但係你又講過你都有可能用到... 再估多兩樣... 遮? 褸?
親筆簽名月曆!?
今日忽然間諗到的：
The Book Of Answer
2004年5月24日 上午5點31分00秒有冇試過有幾十人為左你響旺角行人
有冇試過有幾十人為左你響旺角行人專用區路中心切蛋糕丫?
我試過, 廿五年黎第一次搞到咁大, 下年?
下年去中聯辦門口搞, 如果o個陣解放軍未入城的話!
如果解放軍入左城的話, 我地就梗係趁佢地唔響屋企,
走去解放軍軍營玩啦~