2004年4月29日 下午7點17分46秒4月29日... 與殺手先生在麥記對話... ...

4月29日... 與殺手先生在麥記對話...

...好彩起得早 ,好果唔係就冇水刷牙洗面

由於冇水的關係, 一個人響屋企, 食麥片做第一餐...

...食完就攤響梳化 ,訓埋未完既部份

之後... 睇有線... 第n次睇唐伯虎點秋香...

...別人笑我太瘋癲 ...我笑他人看不穿 ...不見五陵豪傑墓 ...無花無酒鋤作田

之後摷埋未睇埋VCD出黎睇...

...六點幾 ,染上了唔出街會死的病 ,去左圖書館

續借左書... 唔再借新書住... 睇唔切...

...去左老麥 ...買左個餐

打開本簿, 開始繼續同殺手先生傾計, 到底呢個人點睇佢份工呢...

...一路食薯條一路寫 ...唔經唔覺成個鐘

仲睇左一個chapter的生命中不能承受的輕... 好難過的一本小說...

...去租VCD啦 ...撩下租碟姐姐啦 ...真係搵唔到生命中不能承受的輕套戲

結果租左套西片《Honey》, 跳舞的, 精彩的...

...十點半返到屋企 ...沖涼 ...睇VCD ...就係咁上下

夜到咁上下, Emily玥打黎, 講左成個鐘... 唔係好入腦...

...奇怪同事 ...奇怪工 ...奇怪男友 ...哦 ...嗯 ...係啦

2004年4月28日 下午6點58分12秒28*4*04 I'm brightly I'm Shinny, I'm the...

28*4*04

I'm brightly I'm Shinny, I'm the only star in the sky~

I'm Crazy I'm Angry, I'm the slayer of thy pride~

行左落九龍城, 見到架小巴, 追上去, 滿坐,
心情欠佳, 搵個小巴站牌發洩...

小巴站是個好朋友, 你一拳打落去,
佢向後swing一swing又返返黎,
等你打下一拳, 佢越swing越大幅度,
你下一拳就有越多時間發力...
好痛快, 痛之中有好強烈的快感...
打到第三節指骨腫左...
 

秦時明月漢時關     不改青山不解恨

2004年4月27日 下午1點17分13秒4月26..27日 ...Keep lossing track of time,...

4月26..27日

...Keep lossing track of time, wakeup and feel the endless void...

...起身返工...

26

每逢賽馬日我都會坐在電視台的pannel前面無所事事

看完了卡斯特羅傳, 開始看動物農莊

...Teatime, Vovol黃買左好多野食返黎, 我食左半隻雞咁滯...

...六時, 去銅鑼灣Paris, 諗住睇tomoto的劇...

...響銅鑼灣盪失路, 上到去的時候, 一個人都冇, 原來, 我記錯地方...

廿四小時之內去同一個地方兩次, 唉

...返公司, 坐左響度, 唔知做乜好, 打左俾阿四...

竟然俾佢引導左我去思考電台phone in節目的意義及影響

...講左成個鐘, 佢要收衫先收手...

Time... running out of my hand... soundless

27

很討厭很討厭近來起床的狀態 總是未睡夠就自動醒來 醒來的難受比沒睡過更可怕

從來不明白什麼是頭痛 即使痛了一天都不明白 抓不定的感覺讓人沮喪

差不多完全記不起這天發生了什麼事

吃飯之後 細妹打了個電話找我

一個習慣放學後睡覺的人生活節奏被打亂 陪她等她的N

談了很久, 都是一些沉了下去和一些記不起的對話

動物農莊是一本很殘酷的書, 整天心情相對地差

夜, 睡, 睡前祈禱, 祈禱希望不再寂寞

 

2004年4月25日 上午2點53分06秒4月24日 ...纏... 起�, 交貸, 收左C&C餅�

4月24日 ...纏...

起身, 交貸, 收左C&C餅帶...

返家, 睇完kill-bill, 收到阿四電話唔得閒黎食飯, 剃鬚, 出門口...

沙田, 對不起神婆, 兩日都遲大半個鐘到...

沙田和民, 事實上呢一次係我第一次響和民正式食野, 上次去冇位, 再上次去就係搭檯坐左陣... 和風薄餅... 入口, 味道響口入面散開... 嘩, 太好食喇...! 仲有炸雞軟骨... 泡菜冷麵...!

食完, 會合左Ada, 上文娛廳睇戲... 而響我地坐低的時候, 神婆遇上佢既偶像, 詹瑞文... 又要去影相又唔敢埋去... 完左show先啦...

纏, 一個三角關係的糾纏, 董事長的忽然墮入情慾, part-time一口吃下了那突如奇來的激情, 太太持著那份長遠的感情...

算係第一次睇咁純形體的表演, 每一個動作都有強烈的意義, 踩鋼線, 照鏡, 來回追逐, 欲拒還迎... 畫圖畫, 把畫紙一張一張的撕去, 分手, 把一張一張的白紙撕去... 交纏著的聲線, 呼吸, 呻吟, 很強大的感染力...

完show後, 利是在三翻四次鼓勵之下, 走左埋去同詹影相, 阿四不甘後人, 又影左一幅, 放心啦, 阿詹生, 我地係有心黎睇架...

座談會, 主題是, 香港是否應該有黑盒劇場, 一群劇界的活躍份子, 各自發表意見, 重點, 佢地係冇討論乜滯架... 佢地一接個咪唔係好理上手講乜就講自己idea囉, Alevel會話的話呢班人肥晒架... 觀眾... 年輕人... 資助... Marketing... 黑盒的意義... 嗯...

看畢, 回家, 路上, 在利是帶動下, 主題來到我身上, 青藝節...仲黎...!? 二娘教子... 點呀... 而家... 夾埋黎銳我呀... 呢次相信係人偶身邊兩個智力最高的女性第一會面, 但係咁到底會帶起乜野衝擊呢... 真係得人驚...

返到屋企, send左個相俾佢地... 多謝阿利是姐姐冇亂講野囉咁~ 俾你知我咁多秘密... 唔係秘密o既秘密...

晚上, 跟呢個細我一打既小朋友討論感情問題同埋人生道理, 一樣屬羊... 沉沉睡了...

2004年4月25日 上午2點48分34秒4月23日 ...逃避...星期�... 之前兩日積

4月23日 ...逃避...星期五...

之前兩日積存的疲勞沒有在今天被完全解決, 4點睡到10點自動彈起身... 起身後... 失去動力... 迷糊... 幸好是假期...

看了十五分鐘青春電幻物語... 看了百多頁卡斯特羅傳... 對著電腦發呆... 玩個唔多好玩的Game... 約了利是去旺角... 基本上都是無聊搵人攝一攝...

出旺腳途中, 收到亨利的電話, 重點, 還是你怎想... 那一點默契... 你要好好珍惜...

響旺角吃了一餐乏味的小飛象, 個腦唔識轉, 拜託利是老師教我有關而家潮流文化女子必攻的小物品... 潮特行左一轉... 我想買T-shirt... 先要減返幾磅...

之後更無聊地走左去銅鑼灣, 行左一轉SOGO區, 而家d細路女, 鍾意將d吊簾當腰帶, 將切. 古華拉帶左身上, 幾百蚊一件, 而從不考慮一下切知道的話, 心裏會有多不齒... 品評 玩具, 衫, 室內擺設, 女, 去世貿打機, 禧先生黎接女朋友, 散~

成日咁黐人地個女朋友黎去街佢會唔會反感呢... 還是係, 我個身份已經係一個姊妹呢... 我dee丫... 搭巴士返家, 響巴士站臨上車時見到阿king... 依然係滿眼紅筋...