網誌
2008年9月15日 下午3點13分35秒哼
星期5佢會過來，但我都唔系好想佢過來啊，好煩啊，好唔想佢過來啦，都唔系真系有心過黎既，以後都唔好過來啦..
永遠都唔會相信D男人..哼..憎死D男人。
2008年9月12日 下午4點28分16秒2008/09/12 五
今晚放工，突然聽返手機Save佐好耐都未update既歌時，突然好多感覺浮現，特別系果首“分手要狠”感覺好強烈啊，自己想，分手系唔系真系要狠呢？如果當日我真系狠D既話，可能我都已經離開佐呢個圈子咯...
可能我已經為自己既將來策劃緊，又或者去佐旅行啦。又或者返佐鄉下，或者周圍甘去識一D新朋友..我系唔系揀錯佐路呢？
今日個新人都已經俾尋日好好多啦，好多野都好順啦，不過暫時仲未發掘到sale既潛質，有待進步..
本來聽日我休息架，但系睇怕呢幾個月都唔使旨意放假啦，甘辛苦都唔知為咩..
辛苦！辛苦！
2008年9月10日 下午3點53分50秒倒霉的一天
今日好黑仔啊，好唔開心啊！返到公司後，發覺個袋俾人用刀割開佐個口，都唔知幾時割都唔知，真系大頭蝦，我想應該系早2日坐車多人果事俾人割開啦，以後都系要小心D，依家年底，好多賊都開始多啦，點解中國甘多賊啊，點解中國唔會好似其他國家甘樣立一D嚴厲既法去懲治呢D賊啊，真系敗壞國家既聲譽啊，最後捉到佢就將佢處死，甘以後就唔會有賊啦。
今日要去銀行過數，銀行排長龍，又少人做野，仲要系啱畢業既學生，手腳慢，搞到我好不耐煩，最後都系返公司拿返張卡，落黎過數仲快。
今晚佢講我知，話老細星期五會叫埋佢過來GZ，問我意見點？我答佐佢，叫佢無謂曬錢啦，其實我真系唔想佢過來，依家好似真系唔想見到佢甘啊，點解呢？女人心真系海底針啊，連我自己都唔知我想點啊...
期望有神仙打救！
2008年9月8日 下午3點35分21秒分手後感
尋晚我終於同佢講分手，好冷靜，佢以為我講笑，仲問我講真定講假？我同佢講真之後，佢就好唔開心，佢同我講想返以前同一起開心既日子，一齊開心食宵夜既日子，一齊去周圍搵野食既日子，佢好傷心，好難過，好想哭...
我第一次聽佢甘講咋，佢系一個唔擅長去表達自己的人，我想佢今次甘同我講，應該系真既，我信佢系真...
成晚訓唔著，第日我知佢去Interview，佢尋晚就已經同我講未必去到Interview，我好擔心，我覺得我自己系衰人，但到第二日我俾電話佢，我估唔到佢會同佢媽講，我提出分手，但佢媽都無咩意見，但最後發現佢同佢嗎講佐佢同我講佐關於佢媽之前話我無禮貌既事，佢媽就以為我系為佐呢樣野...點解佢會甘樣同佢媽講佐架..?
畢竟都我地兩個既事，點解要同其他人去講啊。但最終可能衰心遠咯。都系無分成，我以為自己今次真系認真啦，我見到佢甘樣，我好難過，好似自己欠佢好多甘，如果我今次真系走佐既話，可能我地以後都無機會見面，當時既感受就好憎佢，愛佢，可憐佢，討厭佢，百感交集...
我都唔知點啊，佢根本就俾唔到我想要既野，就一D好basic既野都俾唔到我，試問我點可以仲可以同佢一齊，需要我與佢有過共患難，但都最後，系唔系可以走到一齊呢？我真系唔敢想象...
希望果天能夠俾到答案我吧！
2008年9月7日 下午2點59分04秒放假
今日Sunday，系屋企訓佐一日，終於都可以訓返一好教啦，好耐都未試過甘樣啦，真系好舒服啊，人都開心佐，但系今日訓醒都要忙公事啊，都系好慘啊，唔知幾時先可以真正休息返下呢？
本來今日心情都唔錯既，但系聽到佢甘講，我即時就邊得Unhappy啊，唔知女人都系小氣D呢？
聽日又要早D返公司啊，又有人interview啊，唉！希望聽日真系請到個好同事啦。好煩啊，真系無時間啊。