網誌
2006年7月29日 上午6點48分20秒Choice.....
就算 F.5都冇咁迷茫.......
可能細個冇唸過地自己想從事咩行業啦....所以都冇咩考慮過報讀咩課程, 等媽咪幫我安排....但係到左而家..我唔知我今次嘅選擇係咪正確...不過至少我興趣在此.....
大家都知每年lee個時候 (7月至8月)好多院校都提供唔同課程, 但係咁多選擇....讀咩先好呢? 結果..我用左2個星期做research, 每晚都成1:00先訓...唸黎唸去...都係唔捨得放棄我自己嘅興趣..但係報又擔心將來, 結果問左好多人意見...結果大家都應該估到....愈多人比意見, 心就愈亂...其實我睇得出..媽咪唔係咁贊成我報讀自己嘅志願...佢就問:【你除左lee科....仲有冇其他野想讀呀?】當事我就係好亂....「究竟我嘅選擇係咪岩?」....我問左自己好多次 ~!
雖然媽咪唔係咁認同我嘅選擇, 但係佢都好支持我嘅決定, 多謝你嘅支持 ~!
かんどうてき～！
2006年7月17日 上午6點05分03秒赤柱之旅
昨日7月16日, 去左stanley朝聖 (參觀聖堂同隱修院), 當旅遊巴駛到Poly u對面時, 見到一張勁大的廣告, 真係好想成幅"拎"走呀 ~!係咩廣告?? 咪就係【魔盜王2】Pirate of the Caribbean2 嘅廣告 ~!!
今次朝聖之旅當中隱修院令我最難忘, 仲喺修院到買左一樣被稱為「聖母聖衣」嘅聖物作紀念。參觀完次後就去左食tea, 之後就回程返屋企, 回程時, 我地青年會的 "一干人等" 都訓哂, 實在太眼訓啦~
2006年7月17日 上午1點55分51秒How to Do?
近日成日都係唸住同一樣問題....攪到近日訓得唔係咁好, 一起身就擔心同一個問題....唉 ~! 都唔知點好, 我試過問「前輩」意見, 不過都係15/16 咁, 唔知報邊間學院嘅course.~ 唉 ~!
2006年7月13日 上午5點23分29秒最後....
之前學的長笛班今日係最後一堂, 咁快又3個月啦....除左學完長笛之外...今個星期六又係最後一次上古箏...計計下...原來學左差唔多10年古箏...唔知下年可唔可以再學多年?.......
2006年7月7日 上午6點23分32秒方向
首先要多謝好友馬馬仔同Crystal你地留言比我...// "I LOVE YOU TWO" ~~我會記住你地講嘅野架啦~
愈接近8月3日..我就愈擔心....因為8月3日就係IVE公佈收生結果嘅時候.....如果唔收我....咁..我點算好呢?? 又有邊度會有岩我嘅Course讀?.結果搵左其他course, 發覺我未決定未來想走嘅路向....因為除左本身想讀嘅course之外, 仲好多其他野想讀...希望唔會選錯路 ~!
迷茫の人 より